توماس فريدمان ماخذ شهرة أكثر ملي يستحق... خليني نقول الملاحظة هذية مل اللول على خاطر عندي برشة نحب نقولها... ماخذ خاصة قدر أكثر ملي يستحق في صحافتنا العربية (خاصة وخاينا في الخليج إلي يدفعو هم فلوس للنيويورك تايمز بش يتحصلو على "الحق الحصري متع الترجمة الفورية" لمقالات فريدمان).... فما ناس عندنا يسخايلو إلي فريدمان حاجة من ورا العقل و إلا على الأقل يسخايلو عندو تأثير على الراي العام و على الإدارة الأمريكية (؟!) لا قبلو و لا بعدو... الحقيقة ما تنجمش تكون أبعد من هل الخرارف...
أما برغم هذاكة يلزمني نقول زادة إلي فما علاش فريدمان عامل هل الخوضة هذية الكل... بالرغم إل مبالغة و التضخيم في المواضيع متاعو (و ساعات زادة التفليم) فإنو "يعرف كيفاش يجلب الإنتباه"
He knows how to get attention
و تعرفو في سوق ليبيا هذاية إلي يسميوه الإعلام الأمريكي... و ين فما مليون قناة و راديون و صحيفة... و أكثر منهم ناس تحب تقول راي و تجلب الإنتباه... فإنو صعيب برشة بش تنجم تنافس...
لكن فريدمان ينجم ينافس... هذاكة علاش يستحق هل الخوضة هذية الكل...

نجي توة لموضوع البوست هذاية و إلي هو حول المقال اللخر إلي كتبو فريدمان في النيويورك تايمز حول التعليم العالي في أمريكا (و بالنسبة للناس إلي ما تنجمش تقرى المقال باللغة الأنجليزية... نحمدو ربي إلي الإتحاد الإمارتية و غيرها عندهم "الحق الحصري للترجمة الفورية")...
سي فريدمان إستدعاوه لحفل التخرج متع مؤسسة تعليمية عندها ما تقول في روحها بش يعمل خطبة التخرج (هذايا تقليد أمريكاني ساعات يولي شبه تجاري على خاطر الجامعات الكبيرة تولي تدفع هم فلوس بش تجيب ناس هاي و هكاكة يضيع المضمون و يقعد الكلام الفارغ..... الجامعة متاعي إلي تتسمى زعمة مل الكبارات (الإيفي ليق) العام إلي فات إستدعات جودي فوستر... الستاد ولى يملي و يفرغ أما الخطاب متاعها ما ظهرلي كان سمعو حد... العام هذايا جابت جيمس بيكر... على الأقل راجل عندو خبرة في الكلام و الخطب و ممكن عندو ما يقول خاصة إلي هو كان المشرف على التقرير على العراق في الخريف إلي فات)

على كل.. سي فريدمان معملش الخطاب أكهو و لكن كتب المقال الأسبوعي متاعو في التايمز على هل الحفلة هذية... ملخص الموضوع أنو فمة عدد كبير متع طلبة أجانب ياخذو في الدكتوراة (في الإختصاصات التقنية هيمنة متع صينيين) و يتساءل فريدمان على زوز مسائل: أولا، علاش نصعبو في جيان الطلبة الأجانب لأريكا (خاصة تأثير القوانين إلي جاو بعد 11 سبتمبر) و يقترح إنو بش أمريكا تقعد عندها أفضل المخاخ في العالم أنو يقع منح الجنسية الفورية لكل متحصل على الدكتوراة في أمريكا. فريدمان لهنا في الحقيقة ماهوش قاعد يتفلسف وحدو و هو بيدو يصرح إلي فما منظمات (أقرى لوبيات) بالنيابة على مؤسسات العمل الكبيرة (خصاة في ميدان التقنية و التكنولوجية) تعمل من أجل تسهيل إستقرار الناس الأجانب ضمن سن قوانين جديدة في الكونغرس.
ثانيا، فريدمان يمس الجرح إلي برشة لهنا ما يحبوش يمسوه: تدني مستوى التعليم في أمريكا خاصة من حيث الإبتكار مقارنة بالوضعية إلي كان عليها و مقارنة بنظم تعليمية قاعدة تنافس بجدية خاصة في الصين و الهند. و هذايا موضوع متكرر عند فريدمان كان جزء هام من الكتاب متاعو "العالم مسطح "...

إل مشكل الوحيد إلي عندي مع الكلام هذايا إلي فيه شوية مبالغة... مش على خاطر إلي الجامعات الأمريكية هي لولة في العالم بجميع المقاييس و في كل الاختصاصات... و لكن زادة إلي هل الريادية متاعها هي إلي تفسر جذبها حتى و خاصة لطلبة متميزين مل العالم إل الكل و خاصة من الصين و الهند...
أكثر من هكة نرى إلي سياسة الهجرة في أمريكا بصفة عامة متوازنة و ذكية من ناحية إستقطاب الكفاءات (خاصة في المواد التقنية) إلي حاشتهم بيها... القانون الجديد (خاصة إذا كان تعدى بالفصول إلي تخير المهاجرين على أساس الشهايد متاعهم و كفاءاتهم) يوري إلي فمة روح خاصة لهنا صعيب بش تتلقى في بلدان أخرى...


عدد التعاليق: 3

    تعليق: Slaim ...  
    24 ماي، 2007 3:31 ص

    inhannik 3ala hal post irraye3 ya tare9, il ma9al mta3ek jlibili ihtimami 3la zouz ni9at:

    1. friedman athaya na7kiw 3lih barcha fil 3ayla mte3na, min baba lommi li5weti, il 3alem imsatta7 wlexus wchojret izzitoun itna9ichnahom barcha wkoll mayatla3 3al jazeera ya7ki intabb3ouh, w3ala irra3'm min hath il kollou itwasselna il nafs il nateeja mta3ek, Friedman mahouch 3amee9 kima yelzem lakinnou cha3ni liannou safratou yacer w7keytou matoufach, ichid il 9are9 bil 9asass mata3ou wb2ousloubou issahel

    2. ana engineering student fil US winnajem in9ollek illi bil7a99 America is going into trouble in the science and technology field if they don't give evem more "compromises" and "enticing immigration packages" for indian, chinese wmiddle east zeda especially when it comes to engineering, the American kids are not smart enough to lead such technology-oriented economy, all they're good at is business and humanities...


    تعليق: Tarek Kahlaoui ...  
    24 ماي، 2007 3:51 ص

    Ahla Slaim...
    1-Glad we agree (and your familiy at least) on Friedman... he just gets into my nervs espcially when he's idealized by people like Oprah and the stupid mainstream arab journalists...
    2-I totally agree that very few amrican students could compete with Asian and Indian students (BTW whether educated here or abroad)... I've taught engineering students from upenn (fortunately they've to take humanities courses including art history) and I can see the difference even in the way they write and they get involved in art history classes... I think that this is an obvious point... The problem, however, is not in higher educattion as Friedman seems to be saying... the problem is in the phases of pre-higher education (elementary-high schools)... There is the real problem... this is just an example of Friedman's populist discourse...
    Solving the education problem is much more efficient than issuing new immigration laws...
    On the subject of immigration policies: of course they can/should do better... Yet when I think of it, I see the US's stand in this issue is much more profitable (with all its negative points)than say the European Union..
    Again, I think, the real solution not simply in immigration policies but in pre-higher education... That's the real issue...

    BTW where are u at?


    تعليق: Slaim ...  
    25 ماي، 2007 2:38 ص

    haw il mail mte3i

    newengineermag@yahoo.co.uk

    write and I'll tell u



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).