لم أقرأ كثيرا للجامعي التونسي عبد الوهاب المدب.. أرسل لي الصديق وليد بن عمران هذا الرابط لحوار جمع المدب بطارق رمضان في برنامج للقناة الفرنسية الثالثة... و الحقيقة كان أداء المدب في هذا الحوار أقل مما كنت أتوقع: يروج لفكرة تعميمية متعالية تستبعد روح البحث و الدقة و بالتأكيد لا يستعمل لغتها أي أكاديمي يحترم نفسه مفادها أن"المرض في الإسلام"... يدافع عن فكرة بمعزل عن المعطيات المتوفرة أو بالتحديد غير ملم بالموضوع الذي يتصدى له (خاصة فيما يخص تاريخانية و أحيانا حتى مضمون المتن الفقهي و هو الأمر الواضح في علاقة بمعرفته بكتابات الشاطبي... هذا إذا تجاوزنا التفصيل الخاص بتفسير معنى كلمة "الحق" في القصيدة المعروفة للحلاج... أيضا الإحالات الفلسفية غير الموفقة بما في ذلك الاحالة على المفهوم النيتشوي للإنسان رد الفعلي عندما مقارنته بالإسلاميين الراديكاليين و التعالي على رمضان لمجرد محاولته التصحيح... في حين من الواضح أن رمضان أكثر إطلاعا في الموضوع خاصة أنه موضوع رسالة دكتوراه نيتشة!)... بالإضافة الى ذلك يتبنى موقف سياسي في علاقة بقتل المدنيين الأفغان خلال القصف الأطلسي لا أعتقد حتى الناطق باسم البنتاغون سيجرؤ على إستعماله (و أنا هنا جاد فيما أقول لأني أعرف أن البنتاغون تجنب التعليق آنذاك على قتل المدنيين).. و يتبنى فكرة كاريكاتورية تنتمي لعصر الحرب الباردة مفادها أن "العلمانية ممكنة بدون الديمقراطية"... و في النهاية كان المدب غير قادر على النقاش أصلا بقدر ما كان يرغب في الاستماع إلي ذاته فحسب (أو الرد على رمضان بطريقة مشخصنة تركز على إنتمائه الدموي بالإحالة المتكررة على جده و ليس على معطيات فكرية).. من زاوية معرفية أكاديمية كان المدب مبعثا على العار... و هذا محزن بالنسبة لي كتونسي... وصف طارق رمضان لهذا النوع من الكتاب ("مونولوجيست يتفاعل مع ذاته") مناسب جدا و ينطبق للأسف على بعض الأكاديميين التونسيين الآخرين

الحقيقة و في المقابل بدى رمضان عقلانيا (أو بشكل أصح عقلانيا ما بعد حداثي) أكثر ثقافة و من ثمة أكثر مدعاة للاحترام... في حين كان المدب عقلانيا محدود الثقافة (بالإضافة إلي كلاسيكيته الحداثية).. و من ثمة عقلانيا غير مؤثر.. الفكر العقلاني الحداثي في معركة كبيرة... ليست، كما هو ظاهر أو كما يرغب بعض العقلانيين أن يتصوروا، مع رؤى إسلامية راديكالية بل مع عقلانية أخرى... تشكلت في مواجهة الإخفاقات الحداثية... و بالتأكيد المدب لا يمثل مؤشرا على ربح هذه المعركة... بل بالتحديد على إمكان الإنهزام فيها.. من حسن الحظ أن عالميا لدينا أمثلة أكثر جدية (مثل هابرماس) تدافع عن العقلانية الحداثية (أو الكلاسيكية).. و هو ما يضمن حوارات أكثر جدية و ثراء


عدد التعاليق: 5


برنامج 60 دقيقة (يقع بثو في قناة سي بي أس) أهم برنامج إخباري في الساحة الإعلامية الأمريكية و في العادة يعمل السكوب... برنامج نهار الأحد إلي تعدى جاب سكوب جديد: حوار مع محقق الأف بي آي إلي كان المسؤول الفعلي على تحقيق سلطات الاحتلال مع الرئيس العراقي الراحل... الفترة هذية كانت غامضة.. طبعا هذية شهادة شخص يعمل لفائدة الحكومة الأمريكية يعني بلغة أخرى مش بالضرورة إلي يقول فيه محايد... طبعا الأسئلة متاع المقدم زادة تحمل رؤية و موقف ملي يجرى... النقطة إلي تظهرلي أكثر إثارة للجدل هي إدعاء المحقق أنو صدام قالو أنو كان ينوي بش يعاود يبني ترسانة الأسلحة الكيميائية و أكثر من هكاكة بش يبدى برنامج الأسلحة النووية... هذية تظهرلي صعيبة برشة: بلغة أخرى بالنسبة لانسان كتوم برشة و عندو تجارب بديهية في السياسة من الواضح إلي كلام كيف هكاكة يعني تبرير لعملية الاحتلال (إلي تم شرعنتها مش على قاعدة "إمكانية وجود برنامج" فقط بل أيضا على "وجود نوايا") و آخر واحد ينجم يقلو على نواياه هو شخص كيف المحقق هذا إلي عندو بالضرورة خلفية سياسية من مصلحتها تبرير العملية هذية... فمة زادة الحديث بشكل كاريكاتوري على كيفية تعرف صدام على النظام السياسي الأمريكي (من خلال هوليود!) و طبعا من المفروض أنو المحقق هذا يعرف طريقة تصرف صدام في الموضوع هذاية: معروف إلي عندو مجموعات بحث تعملو تقارير فيما يخص الشأن هذا (تقارير معروفة لأنها ببساطة كانت تتنشر في بعض أجزائها).. و لو أنو هذا ما يعنيش إلي التقارير هذية جيدة بالشكل المطلوب (خاصة أنها ماكانتش مستقلة و زيد كانت تخضع لرؤية الحزب).. فمة طبعا رغبة المحقق (إلي أصلو لبناني) في تصوير ذاتو كمحقق خارق للعادة.. لكن حتى في الحالة هذيكة يظهر أنو ما يحبش يشوه صدام... هذية على كل حال شهادة جديدة قريبة من شخصية مهمة برشة في تاريخ العراق و تاريخ المنطقة في فترة حساسة من حياتو... و ربما النقطة الأساسية إلي تدعو للإهتمام في الحوار و إلي تأكد تقارير أخرى هي أنو صدام حسين ما كانش متوقع إلي الحرب بش تاخذ الشكل الشامل هذاكة يعني عملية إجتياح برية و إسقاط النظام... و لهنا نرجع للنقطة السابقة: ربما هذا ناتج على أنو الناس إلي كانت تعملو دراسات حول الوضع الأمريكي كانت تقوم بتقارير مسيسة ذات طابع تطميني... و لكن هذا طبعا يرجع لطبيعة النظام ككل... و غادي الإجابة على معظم الأسئلة
هذا الجزء الثالث (هنا) من الحوار.. يمكن مشاهدة الجزء الأول و الثاني (هنا و هنا)

فمة تلخيص بالعربية للحوار الكل في الصفحة لولة من عدد اليوم متاع صحيفة القدس العربي


عدد التعاليق: 1


توة مدة قاعدين نحاولو نطورو في موقع رديون.. طبعا تجربتنا مازالت جديدة و قاعدين نتعلمو... هذاكة علاش قاعدين نحاولو نشوفو تجارب أخرى... الصديق عمروش و هو يشارك معانا في موقع رديون بعثلي الرابط متاع الموقع هذاية... راديو "تيت"... إلي هو موقع مصري.. حقيقة ملي بديت نسمع في التسجيلات لولة حسيت أنو هذا بالضبط الشي إلي ناقصنا في رديون... يعني هوما ماعندهمش حوارات كيف إلي عملناها.. و أنا نعتقد إلي الحورات إلي عملناها نقطة إيجابية برشة و بالتأكيد يلزم نواصلوها على خاطر ببساطة فمة حاجة واضحة عندنا للحوار... أما فمة حاجة ناقصة كنت نفكر فيها المدة الفايتة و اقترحتها على بعض أعضاء رديون و إلي هي أنو كل واحد منا يعمل فقرة صغيرة خاصة بيه يحكي فيها بالشاكلة إلي يحسها "أوريجينال"... حقيقة كي نسمع لولاد متاع راديو "تيت" نحس برغبة في التعلم منهم... باهي كي ناخذو مواضيع جدية نتحدثو فيها لكن باهي زادة كي نعملو حاجات ماهياش كلاسيكية... باهي كي نتحدثو على الأمور الجدية بسخرية... على كل انشالله نطورو موقع رديون في الاتجاه هذا عن قريب

بالإضافة للحورات الحصرية متاع "مبعوث" متاعهم لغانا بش يعمل حوارات مع منخب الكورة متاع مصر... نحب نقترح عليكم فقرات معينة كأمثلة على إلي نحكي عليه

نشرة الأخبار

تعليق على تاريخ الشرطة في مصر

تعلم النضال في خمسة أيام

و "الأعدة السرية"..

في لخر نحب نقول للمدونين و إلا غير المدونين إلي يحبو يساهمو في رديون بأشياء من النوع هذا مرحبا بيهم... بالإضافة من خلال رديون نبثو في إذاعة تونس زوون... نعرف إلي نحنا التوانسة ما ناقصنا شي.. بالعكس كي نشوف الكتابات إلي تتحدث بسخرية على أمور جدية من قبل مدونين و كتاب توانسة نقول شنوة المانع أنو هذا يصير بشكل مسموع


عدد التعاليق: 5


في العادة ما نحسش روحي متعاطف برشة مع اللاعبين المصريين.... و بالطبيعة مع المنتخب المصري لكرة القدم... اما الحقيقة الحركة الي عملها بوتريكة البارح في المقابلة متاع السودان تخليني نحترمو برشة... على خاطر ورى الي هو مش مجرد لاعب كرة.. و زادة ورى انو الكرة بما فيها التنافس على لقب كاس افريقيا مهما كانت جدية فهي مجرد حفلة عشاء قدام احداث كبيرة كيف الي يجرى في غزة... ثم عمل هذا الكل و هو يعرف انو ينجم يتعرض لعقوبات الكاف

عدد التعاليق: 5


توفي يوم السبت أحد أهم رموز الحركة الوطنية الفلسيطينية و الساحة السياسية العربية منذ أواخر الستينات.. جورج حبش "الحكيم" (كما يسميه الفلسطينيون لأنه طبيب و لكن كذلك للاحترام البالغ الذي يحظى به بين مختلف الفصائل الفلسطينية)... كان من قادة "حركة القوميين العرب" حتى حرب جوان 1967 و التي قاد إثرها تحول هذه الحركة التاريخية إلي اليسار الماركسي اللينيني و أسس أحد أهم التنظيمات الفلسطينية و لفترة طويلة: "الجبهة الشعبية لتحرير فلسطين" و التي كانت لفترة طويلة مع "حركة فتح" أحد الأعمدة الرئيسية لمنظمة التحرير الفلسطينية.. تخلى حبش عن قيادة التنظيم منذ سنوات بسبب مرضه و لكن بقي محل استشارة العديد من القادة الفلسطنيين بفعل تجربته الطويلة... من المؤسف أن تمر وفاته بمثل هذا الصمت رغم إعلان السلطة الفلسطينية الحداد... كما تأتي في ظروف صعبة لقطاع غزة و الوحدة الوطنية الفلسطينية التي كان يؤمن بها بشكل كبير...

أشير بالمناسبة الى الحوار الذي قمنا به البارحة على الهواء في تونس زوون حول الوضع في غزة و الذي قادنا لنقاش مجمل جوانب الصراع العربي الاسرائيلي... للأسف لم يكن ممكنا لي المشاركة بالشكل المعتاد بسبب مشاكل تقنية أدت الى تقطع صوتي و عدم وضوحه... لكن يمكن أن تجدو أجزاء الحوار على موقع رديون


لا يوجد أي تعليق


ليوم تلهيت شوية و ما تبعتش تفاصيل الانتخاب في ساوث كارولاينا.... كنت قلت في السابق إلي أوبماما سايي انتقل الى موقع "زعيم في الحزب الديمقراطي"... ربما حتى أكثر من هكاكة: زعيم غير نمطي.. نقطة الانتقال في اتجاه الصفة الكاريزمية هذية صارت حسب رايي ليلة الخطاب الغير عادي إلي عملو وقتلي خسر في نيو هامشير (هنا).... إذا بغض النظر على هوية المرشح النهائي على الحزب الديمقراطي، سواء كان أوباما و إلا لا، فإنو نجح بش يخلق لروحو موقع أكبر من الهوية السياسية متاع مجرد مرشح في انتخابات الحزب الديقمراطي...

الربح ليوم في ساوث كارولاينا كان متوقع... نقصد لهنا أنو بخلاف استطلاعات الرأي النهارين لخرين إلي اتفقو على أنو أوباما هارب على هيلاري... لكن كانت متوقعة لأنو ساوث كارولاينا أكثر ولاية فيها ناخبين أفارقة... و الشي جديد في الأسابيع لخرة أنو أوباما كبرت الشعبية ماعو بشكل كبير بين الناخبين الأفارقة في وقت كانو مش متحمسين ليه برشة قبل.... أما حتى حد ما كان يتوقع إلي بش يربح بنسبة 55%... فوز ساحق... هذا بعد كل الهجوم و الشخصنة إلي قادوها آل كلينتون (هيلاري و بيل) في ليامات لخرة....

على كل واضح توة لومور بش تتحسم نهار 5 فيفيري إلي بش تصير فيه انتخابات برشة ولايات مهمة... هذاكة علاشة يتسمى لهنا "الثلاثاء الكبير"...
Big Tuesday

المعركة حامية... أهم حاجة يلزم أوباما يحافظ على البروفيل إلي بدى بيه: يعني أنو مرشح لطيف من الناخبين متعدد الأعراق و الديانات... و مختلف بشكل كبير على حسابات السياسيين متاع واشنطن...


لا يوجد أي تعليق


في السنين لخرة كثرت قضايا التحيل و تورط موظفين في بنوك تونسية في سرقة أموال... الموضوع ولى يظهرلي ظاهرة تستحق الاهتمام: علاش قاعدة تزيد؟ المرة هذية يظهرلي فمة رقم قياسي: خبر (هنا) على النشرية الاقتصادية (الجدية برشة) "أفريكان ماناجير" يقول أن موظفة تونسية في بنك (غير معروف) حولت مبلغ 3.6 مليون دينار تونسي لمصلحة مالك نزل بمدينة حمام سوسة! القضية في الحالة هذية وقع كشفها و القبض على المعنيين....


عدد التعاليق: 5


برنامج تولك شوو الذي نقوم ببثه على الهواء في إذاعة "تونس زوون" كل يوم سبت (حوالي الساعة التاسعة ليلا توقيت تونس) سيكون موضوعه هذه المرة الوضع الراهن في قطاع غزة (رابط للاستماع للبث المباشر)... يمكن الاتصال على الهواء إما عبر صندوق الدردشة (التشات) المتوفر على الصفحة الأولى لموقع إذاعة "تونس زوون" (هنا) أو إرسال رسائل على عنوان السكايب الخاص بالبرنامج
tuniszone show

سنحرص هذه المرة على نسجيل حصة هذا الأسبوع و تنزيلها على موقع رديون

تجب الإشارة هنا إلي أن عضو فريق "رديون" صديقنا المدون البرباش قام بتصميم جديد رائع لموقع "رديون"... و حدك يا برباش




لا يوجد أي تعليق


قمت البارحة ليلا بتقديم حصة على الهواء في إذاعة تونس زوون حول ما يجري في غزة.. كانت في أغلبها موسيقى لمارسيل خليفة و تعليق رافقني في آخره وليد بن عمران حول ما يجري في غزة... الحصة محملة على موقع رديون (في تصميمه الجديد من قبل البرباش) هنا
هناك أيضا على ما يبدو حملة في أوروبا لإطفاء الأضواء يوم 24 جانفي بين الساعة الثامنة و الثامنة و عشرين دقيقة ليلا... على كل حال شكل من أشكال إبداء التضامن يناسب وضعية العجز العام و أعتقد أنها ستكون معبرة جدا لو تم تبنيها في أماكن لا يمكن فيها حتى حمل الشموع في الشارع

صور من غزة أفضل من آلاف الكلمات




روابط أخرى
عريضة 1
عريضة 2
فايسبوك
حملة


عدد التعاليق: 3


في علاقة بموضوع الدعوى المرفوعة ضد سماح إدريس و الذي تعرضت له سابقا في المدونة (هنا و هنا) و في مقال (هنا): تزايد التضامن مع الصديق سماح من خلال تعدد المقالات و إنشاء موقع (هنا) و مثلما لفتت الانتباه صحيفة الأخبار اللبنانية اليوم (هنا) توجد عرائض مختلفة بما فيها واحدة تونسية على هذا الموقع باللغتين العربية و الانجليزية للتضامن مع سماح... أدعو جميع قراء هذه المدونة المبادرة الى التوقيع على العريضة أو العرائض.. يجب أن أشير الى ما قاله لي سماح في آخر مراسلة منذ أيام: "حتى و إن تمت إدانتي فسأخرج من هذه المحاكمة مرفوع الرأس بعد كل هذا الدعم"... يشير ذلك الى أهمية الدعم المعنوي في مثل هذه الحالات


لا يوجد أي تعليق


المشكل طبعا مش مجرد انقطاع الكهرباء و تأثير هذاكة على... مثلا الفرجة في التلفزة.. و إلا تشعيل الضو بش الناس تسهر... المسألة أعمق من هكاكة ببرشة... طبعا فمة التأثيرات العامة... على الصرف الصحي و التجهيزات الطبية... و لهنا تسئل المذيعة في لخر السؤال إلي يوجع: شكون بش يبداو يسكرولو الماكينة قبل... الرضيع إلي مازال كي تولد و إلا الطفل إلي عايش بجهاز غسل الكلى؟

أما الظلام لهنا عندو تأثيرات أخرى: الإحساس بأنك عايش في ما قبل المجتمع الصناعي... أنو ينجمو بكبسة زر يرجعوك الى مرحلة تاريخية سابقة (كيفما لمح أولمرت وقتلي قال أنو الناس في غزة يلزم تتعود على المشي على الساقين!!)....

لكن ربما هذية فرصة بش بعض الناس تحاول تراجع مفاهيمها للصراع الحالي... هل هذا مجرد "رد فعل على الصواريخ الفلسطينية" القادمة من غزة كيفما تقول الناطقة متاع الحكومة الإسرائيلية و يعاودو مبعدها بعض الناس المعقدين و المتوترين؟

هل إستعمال القوة الطائش و المتعجرف متعدد الأشكال العنيف و الصامت (كيف قصان الكهرباء) هو حاجة ناتجة على رد فعل أم هي سياسة قديمة ثابتة تعتمد على فكرة أنو هذية "أرض بدون شعب" أو أنو "الشعب لا يستحق الحياة" بكل بساطة؟

مثلا في الشريط الوثائقي هذاية (هذا جزء فقط منو) إلي عملتو "القناة الرابعة" البريطانية و إلي المذيعة متاعو ما نجموش نتهموها بأنها "عميلة" متاع حماس و إلي تعمل في غزة:

كيفاش انجمو نفسرو استعمال القوة و العنف بالشكل الهمجي هذاية؟ الاستهداف الممنهج و المتعمد للمدنيين؟

طبعا فمة النوعية متاع المتوسطين إلي موجودين بيناتنا و إلي يعاودو كي الببغاء كلام القناة الثالثة الاسرائيلية (مش حتى لولة) و إلا إذاعة "جيش الدفاع الإسرائيلي" متاع أنو الفلسطينين هوما إلي يسهتدفو "المدنيين"... لكن الوضعية هذية مش جديدة... تاريخ المجازر الإسرائيلية ماعادش مجرد دعاية سياسية كيفما كان البعض يقول... مؤرخي "مدرسة المراجعة التاريخية الاسرائيلية" نفسها أثبتو قدم و ثبات سياسة إستهداف المدنيين هذية... يعني هذا قبل صواريخ غزة.. و أصلا قبل حماس و "كتائب..." و "جبهة..."... و بعد هذا و ذاك يجيك حاشاك واحد بهيم ما يحشمش يقولك: "شفت كيفاش؟! ماهو من صواريخ حماس!"... المعضلة أكثر من هكاكة أنو أصلا حماس عاملة هدنة و هي أصلا تحاول بش تقنع لخرين بالهدنة... لكن بقية الفصائل رافضة و حماس ما هياش من سياستها الدخول في حرب مع فصائل فلسطينية أخرى على قاعدة اتفاقيات ما فمة حتى شي يضمن أنو الطرف الإسرائيلي بش يحترمها...

فمة طبعا النوعية المتوسطة في أمخاخها و إلي تحب تلوج على ما يأكد أفكارها الديماغوجية و الجامدة بغض النظر على الجرايم إلي قاعدة تتعمل... فوق هذاكة يتم تبرير مواقف كيف هكة تحت عناوين "التنوير" و "العقلانية"... يقولك مثلا إلي الظلام إلي في غزة ناتج على "ظلامية" حماس العقائدية و السياسية.... النوعية المتوسطة هذية عموما تجهل و/أو تتجاهل معطيات معروفة في تاريخ الصراع... يلزمنا مثلا نذكروها إلي الساحة الفلسطينية تعدات عليها جميع الرؤى الفكرية و الايديولوجية... بالعكس كانت في فترة من الفترات "عقلانية" قانية.... و برغم هذاكة تواصلت السياسة الإسرائيلية هي نفسها... وقتلي بدات السياسة هذية عام 48 ما خمموش شكونو الفلسطيني: زعمة "عقلاني" يسمحلنا بش نبركو عليه؟ و إلا "ظلامي" ما يسمعش الكلام ما يسمحناش بش نبركو عليه؟ لا، بكل بساطة حطوها لكل في شكارة وحدة... و بدا العنف و التدمير المنهجي...

كتبت في مرة سابقة (هنا)، و قتلي صارت "حرب تموز" على حزب الله و لبنان، على ما نعتقد أنو الرؤية الاستشراقية الكولينيالية إلي تقف ورى سياسات من النوع هذاية... ملخص الموضوع أنو فمة فهم للطرف المقابل (الفلسطيني، العربي، المسلم...) أنو ما يستحقش مواصفات الانسانية و إلا في أقل الاحوال ما يستحقهاش كيف يستحقوها هوما...

هذاية هو معنى و مصدر الظلام إلي في غزة!


عدد التعاليق: 5





ا��دس عر�س عر�بت�� - �ظ�ر ا���اب


�ا� �را� - ��ا�ا� - �ص�دة �� عا�� ا��طط -- �ظ�ر ا���اب

لا يوجد أي تعليق








عدد التعاليق: 8


البارح كانت لي دردشة مع صاحب محل السلع الغذائية الهندية إلي مستانسين نتسوقو منو... لقيت قدامو صحيفة هندية بالانجليزية على صفحتها الرئيسية الخبر إلي خرج توة أسابيع لتالي متاع تصنيع شركة "تاتا" الهندية أرخص سيارة في العالم و إلي سعرها التسويقي الراهن داخل الهند 2500 دولار أكهو !!!! (مزيد من التفاصيل حول مشاريع "تاتا" هنا).... السيد، هو بالمناسبة شاب متعلم، كان فرحان برشة و عدو بش ينقز قدامي... تحس بالافتخار في الحركات متاعو... قعد يحكي بحماسة كيفاش السيارة هذية ولات تخوف في أكبر صانعي السيارات في العالم هذاكة علاش بش يحاولو بش يختلقو الاسباب بش ما تنافسهمش (هو الحاصل بالنسبة للاتحاد الأوروبي إلي اعتبر السيارة غير ملائمة لشروط السلامة)... لكنو قعد يأكدلي كيفاش السيارة بش تنجح برغة كل شي... السيد زادة كان مفتخر إلي صانع السيارة قرى في فيلادلفيا في جامعة بنسلفانيا في كلية وارتون و كيفاش أمو عطات 50 مليون دولار للجامعة...

على كل الموضوع هذاية ذكرني بموضوع آخر قاعد يكبر الحديث عليه و هو الدور المتزايد لما يسمى "الدول في طريق النمو" في تعديل التوازن الاقتصادي الدولي.... الموضوع هذا كتب عليه بشكل انطباعي توماس فريدمان الكتاب متاعو "العالم مسطح"... لكن فمة تحليلات أكثر جدية قاعدة تخرج: مثلا المقال إلي خرج توة أسابيع لتالي في مجلة الإيكونوميست (هنا) يوري كيفاش دول كيف الصين و البرازيل و الهند قاعدين يساهمو توة في اتجاه سد الفراغ الناتج على ضعف الدولار... و بالتالي تفادي أزمة في العالم و في أمريكا

عدد التعاليق: 5




Tuniszone plus que la aradio
Plus que la radio !


الحقيقة نحب نقول إلي مدونة الرديون قاعدة تتوسع بشكل سريع فرحنا برشة... عدد متزايد من المدونين قاعدين يساهمو فيها... المرة لخرة بعد الحوار على موضوع مسابقة المدونات دخلنا في نقاش موضوع إذاعات الانترنت: السبب إلي خلانا ناقشو الموضوع هو أنو يسرا عرفتنا على المشرف على إذاعة "تونس زوون"... خونا مجدي إلي يقوم بعمل تطوعي هايل برشة حلينا معاه موضوع إذاعات الانترنت و كان حاضر معانا زادة راديو نجوي إلي كان ينشط في إذاعة محلية في "إي هاش أو سي"... كان حوار هايل برشة (رابط الحوار على الرديون)... الحاصل مجدي عبر على اهتمامو بحوارات الرديون و اتفقنا أنها بش تولي تتعدى مسجلة على إذاعة "تونس زوون" إضافة إلى أنو الحلقات السابقة قاعدة تتعدى... أكثر من هكة مجدي قاعد يطور في الإذاعة متاعو و حب يضيف برامج جديدة تتعدى على المباشر... يلزم لهنا نذكر إلي هو منفتح بشكل خاص على المدونين و الحصة الوحيدة توة إلي موجودة "يسرا زوون" تنشط فيها يسرا حول موضوع المدونات... المهم مجدي اقترح علي أنا و زيزو بش نعملو برنامج... قررنا بش نسميوه "تولك شوو" و من المفروض يتعدى أول مرة على المباشر نهار السبت هذا (9 متاع الليل وقت تونس).... طبعا البرنامج بش يتسجل زادة و يتحط كالعادة على مدونة الرديون... التعاون هذا بين التدوين و إذاعات الانترنت يظهرلي حاجة هايلة برشة توري إلي فمة أفكار أخرى حول العمل الإذاعي إلي تنجم تحدد مستقبل كيفية تقديم العمل الإذاعي...

فقط كليمة على برنامج "تولك شوو"... المرة هذية بش نحلو نقاش حول موضوع: المنتخب الوطني و المشاركة في كأس إفريقيا لكن أيضا موضوع الإعلامي الرياضي إلي قاعد يثير في عدد من التساؤلات كيف ما تمت الإشارة ليه في مدونة بودورو (هنا).... بش يشارك معانا في البرنامج بعض المدونين أو المشتغلين على الانترنت إلي مهتمين بالموضوع الكروي و لكن أيضا مدونين مش مغرومين بالضرورة بالكرة... من المفروض بش نعلنو على موضوع "تولك شوو" منو هكة على الفوروم متاع تونس زوون


عدد التعاليق: 3


من المعروف أن مصر تحظى بحياة إعلامية نشيطة... كان ذلك و حتى فترة قريبة متعلقا خاصة بالصحافة المكتوبة... غير أنه منذ فترة قريبة أصبحت الظاهرة تشمل بشكل متدرج قنوات تلفزية مصرية خاصة بعض القنوات الخاصة... من أبرز النماذج على ذلك برامج التولك شوو و من أبرزها برنامج "القاهرة اليوم" في قناة "أوربيت".. البرنامج يقدمه أساسا "عمرو أديب" و هو يحاكي بعض الشيئ برامج التولك شوو الليلية الأمريكية... يمكن مشاهدة تسجيلات لهذا البرنامج المتميز بكل المقاييس في الانترنت (هنا).... أصبحت منذ أشهر مدمنا على مشاهدة الحلقات اليومية لـ"القاهرة اليوم" و أتمتع بشكل خاص بدرجة العفوية و المواضيع المثيرة التي يتم التعرض اليها... أعتقد أنه نموذج جدير بالاهتمام يختلف عن النموذج الأمريكي بما أنه يخلط بين الفقرات الخفيفة و تلك الجدية بشكل يعكس الرغبة في إيجاد إعلام إخباري بديل عن الإعلام الرسمي... للإشارة مازال التلفزيون المصري الرسمي مثلما هو الحال في بقية الأقطار العربية المصدر الأساسي للإعلام الإخباري السياسي المحلي... طبعا هذا باستثناء القنوات الإخبارية العربية العابرة للأقطار مثل الجزيرة و العربية...

هذا نموذج عن برنامج القاهرة اليوم.... الجزء الثالث من حلقة اليوم حول قضية فساد في الإدارة المصرية... يمكن مشاهدة بقية الأجزاء على الرابط أعلاه... فقط للتعليق على قضية الفساد هنا و التي تورط فيها مسؤولون رسميون كبار: الفساد موجود في كل الأماكن و كثرة الحديث عنه و القضايا القائمة في بلد مثل مصر لا يعني أنه موجود إلا في ذلك البلد... كل ما في الأمر أن هناك مجال إعلامي و قضائي لفضح مثل هذه الحالات...



عدد التعاليق: 2


"هذا زمن المسخ".... عبارة من رواية علاء الأسواني "عمارة يعقوبيان" إلي تم تحويلها لصيغ فرجوية شعبوية (فيلم ثم مسلسل)... يظهرلي عبارة ما هياش غالطة برشة... تذكرت العبارة هذية وقتلي شفت إعلان في جريدة الصباح متاع اليوم عاملينو "درع قوجة" يتهمو فيه منافسين ليهم بتقليد اسمهم بش يبيعو سلعتهم ... لكن هذية مش مشكلة الدرع أكهو... التقليد الباهت و السطحي مهيمن على المشهد الفكري و الثقافي... أهم سمات التقليد هو التكرار...

تصورو مثلا إعلان من عند المرحوم الهادي الجويني: "هذه علامة الهادي الجويني (موسيقى الهادي الجويني)... تحذير من بضاعة مقلدة (الجويني للأفراح) (ماحلاني راني الجويني)"... تصورو كان أنو البضاعة الفكرية/الثقافية المقلدة تكون معرضة زادة هي "للرفع و الحجز من قبل السلط المختصة"....

عدد التعاليق: 2


رغم ولادتها القيصرية و بعض التحاليل التي حكمت من البداية بهامشيتها فإن هناك بداية قوية و مستقلة لنقابة الصحفيين (حول بعض خلفيات هذا الموضوع راجع هذه التدوينة) و هو ما يشير ربما إلى مزيد تحسن هذا القطاع (و كان ذلك من المؤشرات التي على أساسها تمنيت تحسنا في الوضع الصحفي هذه السنة... أنظر هنا)... أبرز هذه المؤشرات إنتصار قائمة مستقلة "البديل النقابي" يعرف على أغلبية المنتمين لها بتمسكهم الكبير باستقلالية الصحافة... هذا مؤشر قوي على أن الانتخابات مرت في أجواء شفافة و مستقلة... لمزيد المعطيات إطلع على هذا الرابط... أعتقد أنه من الضروري الآن على جميع الصحفيين الالتفاف حول قيادتهم الجديدة و نسيان صراعات الماضي حيث هناك فرصة حقيقة لبناء فضاء نقابي صحفي مستقل و هو الأمر الذي يهم كل التونسيين و ليس الصحفيين وحدهم نظرا للأهمية الكبيرة لهذا القطاع

عدد التعاليق: 1


أولا حبيت نشكر الأصدقاء المدونين إلي تشجيعهم و اهتمامهم حشمني و خلاني نحس فعلا أنو البلوقسفير ولى بمثابة العايلة كيفما قالو بعض الأصدقاء المدونين... نحب نشكر لهنا زادة صديقنا المدون برباش إلي فاجئني بأنو سجل المقطع الخاص بمداخلتي في البرنامج و حرص على أنو يوفرو على الانترنت (تعليق رقم 20 لهنا)... بالنسبة لمشاركتي إلي هي الأولى في برنامج كيف هكة: يلزم نقول إلي كانت قصيرة (حوالي 8 دقايق) و كنت طبعا نتمنى يكون عندي وقت أكثر خاصة نحكي حول نقاط أخرى... ربما نرجع لموضوع النقاش بشكل أكثر تركيز في الاسبوع إلي جاي

رابط الحلقة على الدايلي مووشين


عدد التعاليق: 5


كالعادة أثبتو المدونين التونسيين أنو حتى وقتلي يبداو مختلفين فإنهم ينجمو يعملو حوار هادئ و كل واحد يقدم الحجج متاعو من غير شخصنة... المرة هذية صار حوار عفوي في إطار حوارات الرديون حول مسابقة المدونات إلي أثارت بعض الجدال في الأسابيع إلي فاتت... حضرت يسرى إلي هي أحد المنظمين و زيزو إلي هو عضو لجنة تحكيم في المسابقة و ناقشوهم بقية المدونين في حيثيات المسابقة... يسرى (و إلي بالمناسبة نشكرها لأنها كانت ديما مستعدة للحوار و تحمل النقد) تحدثت في مدونتها (هنا) حول الحوار إلي جرى و قدمت تلخيص ليه... كان فمة عدد قياسي متاع مدونين حبو يناقشو (بالرغم من أنو اللقاء كان عفوي) الى درجة أنو وقع تقسيم النقاش على أكثر من مجموعة... و عموما أنا شخصيا إلي نخرج بيه من الحوار هذاية هو أنو العام الجاي من المتوقع بش يقع تنظيم مسابقة تكون أقل إثارة للجدال و ينخرطوا في إعدادها و تحكيمها طيف أكثر تنوع من المدونين... الحوار كالعادة كان طويل و ربما أطول من بقية الحوارات لكثرة التدخلات و الاختلاف في وجهات النظر...

روابط الحوار: جزء 1 و جزء 2

لا يوجد أي تعليق


تمت دعوتي لتقديم موضوع زيارة الرئيس الأمريكي للمنطقة و تداعياتها في برنامج "منبر الجزيرة" الذي تنشطه الإعلامية التونسية ليلى الشابي... البرنامج يبث العاشرة مساءا بتوقيت تونس و الرابعة ظهرا بتوقيت نيويورك (على ما أعتقد يقع إعادة بثه يومي الأحد و الاثنين في أوقات مختلفة)... البرنامج (الذي يتم بثه بشكل مباشر) يقوم على تقديم موجز للموضوع ثم يتم استقبال مكالمات من المشاهدين... الموضوع شائك بالرغم من كثرة التعليقات الإعلامية حول الزيارة... و لهذا سأسعى في الوقت المحدود الذي سيتاح لي عدم تكرار التقييمات بالغة العمومية التي يتم تداولها الآن

عدد التعاليق: 21


في إطار صعود أوباما السريع و المفاجئ إلي كنتو أشرتلو سابقا (هنا و هنا).... و إنتصارو في أياوا.... كان فمة تكهنات كبيرة أنو بش ينتصر في نيو هامشير.... لكنو إنهزم بفارق ضئيل برشة قدام هيلاري كلينتون.... على كل حال مازالو 48 ولاية... و حظوظو مازالت قوية... لكن الحدث اليوم فعلا حسب رايي هو خطاب أوباما بعد إعلان النتائج.... أنا شخصيا نعتبرو خطاب نموذجي بالنسبة لأي مهتم بالسياسة... يلزم نقول إلي نتبع في أوباما و الخطب متاعو من مدة... و اليوم شفت ولادة الخطيب الناضج داخلو: واثق من نفسو و قادر على التحكم الكامل في مستمعيه....

صحيح هي قليل وين تجرى لكن ساعات متعة بالحق كي الواحد يسمع خطابة سياسية من النوع هذاية... الديمقراطية كي تكون متعثرة و التمثيل السياسي يعيش أزمة ثقة و يطلعو ناس كيف أوباما (يطرحو أفكار تتحدى بديهيات الإستابليشمنت إلي في واشنطن... و يتمتعو بدعم متعدد الأعراق على عكس المعتاد) فإنو نوع الخطاب نفسو يتغير.... و ناخذو عطلة وقتها و لو لوقت محدود من الخطب الخشبية الروتينية و المملة...

بعد تسخين تصاعدي ذروة الخطاب كانت في ثلاثة كلمات في الدقايق لخرة
yes we can
على نسق الثلاث كلمات التاريخية متاع مارتن لوثر كينغ
I have a dream

نخليكم تسمعو أوباما على الأقل بش نتذكرو إلي السياسة ماصتة برشة بدون كلام من النوع هذاية

obama speech
Uploaded by dollarsandsense123


عدد التعاليق: 8


أولا عام هجري سعيد للجميع... البارح لقيت االعريضة هذية إلي مصححين عليها أكثر من ثلاثين ألف شخص... صاحب العريضة مدون باكستاني إسمو فرز أحمد.... المطلب الأساسي متاع العريضة هو تنحية تصويرة يظهر فيها الرسول في مقال "محمد" في موسوعة ويكيبيديا النسخة الانجليزية (هذا رابط للصورة)... يظهرلي الأفضل أني نحط نص العريضة كيفما هي بأخطاء الرسم إلي فيها قبل ما نعلق عليها

"In Islam pictures or Prophet Muhammad (PBUH) and other holly figures are not allowed, but on wikipedia they has published some pictures that are showing not only a body with white face but an image that has a complete face.. that is even not allowed by SHITAT fact of Islam.
i request all my brothers and sisters to sign this petition so we can tell wikipedia to remove them.
http://en.wikipedia.org/wiki/Muhammad
specially this image
"http://en.wikipedia.org/wiki/Image:Maome.jpg

قلت إذا بغض النظر على أخطاء الرسم إلي تولي أحيانا تضر بالمعنى (كيف "الشيطط" في عوض الشيعة؟ الشريعة؟) فإنو بش نمشي مباشرة للمسلمات إلي مضمنة فيها:

أولا، من غير الدقيق التسليم بكل ثقة أنو "محرم تماما" في الإسلام تصوير الرسول.... مش لأنو ما فمة حتى شي في النص القرآني يجزم في المسألة هذية لكن أيضا لأن نصوص الأحاديث النبوية لكلها تقالت في أطر مقاصدية محددة تهدف تجنب رفع الرسول الى مستوى الربوبية كيفما هو الحال مع المسيح في المسيحية.... و لأنو ما فماش موانع قاطعة فإننا نلقاو صورة الرسول موجودة كاملة في مخطوطات إسلامية كيفما هو حال التصويرة إلي مطلوب تنحيتها من موقع ويكيبيديا و إلي هي مأخوذة مش من فنان معاصر و إنما من أحد مخطوطات البيروني المعمولة في القرن 15 .... هذا بالإضافة للصور متاع الرسول و فيها تصويرتو محجوبة.... كنت تحدثت على الموضوع هذاية في مقال كتبتو حول أزمة الرسوم الكاريكاتورية الدانماركية (هنا)... و تحدثت في فقرة محددة حول أمثلة محددة كيف مخطوط البيروني تصور الرسول بدون أي حاجب... صحيح مش برشة أمثلة لكنها أمثلة توري إلي ماكانش فمة عقد تجاه الموضوع هذاية... السؤوال إلي نسئلو للي صححو على العريصة هذية: هل نحرقو المخطوطات إلي فيها تصاور الرسول بش نأكدو تعلقنا بتراثنا؟ آخي مش مفارقة أنو ننكرو جزء من ميراثنا تحت عنوان الدفاع عليه؟ آخي مش تعبير على الجهل بتراثنا الدفاع على أفكار من النوع هذا؟

ثانيا، ويكيبيديا مؤسسة أمريكية تهدف الى دمقرطة المعرفة... و هي تتبع الأعراف و الأطر القانونية إلي في أمريكا... و من ثمة سي المدون الباكستاني إلي استفاد منها و أصبح يعتبرها جزء من مؤامرة دولية على الأسلام ... و يرى أنو من حقو أنو يفرض على القائمين عليها تنحية التصويرة على خاطر ما تتوافقش مع اعتقاداتو أو حتى اعتقادات غالبية من المسلمين.... ما يملك حتى حق بش يفرض عليها تنحية التصويرة.... و لهنا نفرق شخصيا بين زوز مستويات: مستوى ريناه في أزمة الرسوم الكاريكاتورية إلي كانت تهجم رخيص و جاية في إطار سياسي محدد (كنت شرحتو بالتفصيل في المقال متاعي) يهدف لاستفزاز المسلمين إلي في الدانمارك... و يقوم بالشي هذاكة من خلال استحضار صور عنصرية قروسطية... و مستوى آخر في مقال ويكيبيديا فيه إعادة عرض لتصويرة من تراثنا أحنا ما عندها حتى بعد عنصري بل هي إضافة لمعارفنا حول تراثنا... و الخلط هذاية بين زوز مستويات ماعندهم حتى علاقة ببعضهم كنت حذرت أنو كان من الأسباب إلي أدات ببعض المسلمين للاحتجاج خلال أزمة كاريكاتور الجريدة الدانماركية لأنو احتجاجهم في تقديري كان حول تصوير الرسول في ذاتو مش حول الإطر المحيط بالتصوير


عدد التعاليق: 4


سلسلة من الحوارات بين المدونين حول موضوع الجهويات على موقع الرديون كانت ثرية و تدل على أنو النقاش حول الموضوع الحساس هذاية ينجم يتم بهدوء و بكل مسؤولية... و يدل أنو الحوار حولو أفضل من الصمت أو الكلام المتشنج... الحوارات مستمرة حول الموضوع... و مفتوحة على كل المدونين... بالمناسبة فمة مقترح أنو موضوع الحوار الجاي يكون حول مغزى التدوين عند المدونين التوانسة...
يمكن التعبير على الرغبة في المشاركة و إلا إرسال مقترحات جديدة على إيمايل الرديون
radyountunis@gmail.com

الحوارات حول الجهويات
حوار أول: جزء أول و ثاني
حوار ثاني: جزء أول و ثاني و ثالث

عدد التعاليق: 1


كيفما قلت البارح (هنا) أوباما كانت عندو حظوظ كبيرة في الانتصار في الانتخابات التمهيدية متع مرشح الرئاسة متاع الحزب الديمقراطي.... و فعلا بالحق مفاجأة كبيرة... قبيلة وقع إعلان إنتصارو (هنا) و بفارق كبير في أول ولاية وقعت فيها الانتخابات... ما أحلاها الديمقراطية خاصة كي الناخبين يتشجعو و يصوتو بعيد على المرشحين إلي عندهم حضور كبير في الإعلام.... بالطبيعة انتصار اليوم ماهوش ضمان... الولايات الصغيرة القادمة خاصة انتخابات نيوهامبشير بش يكون عندها تأثير كبير... لكن حسب رايي انتصار أياوا بش يعطي ثقة كبيرة للناخبين إلي مترددين في دعم أوباما لأنو كانو يشكو في انتصارو و بالتالي كانو يخططو بش يعطيو أصواتهم للمرشحين المعروفين (هيلاري، إدواردس...)... و الحقيقة أنا نفسي ماكنتش نتصور إلي أوباما كان عندو حظوظ جدية بش ينافس... إذا أوباما يعملها و يتم اختيارو من الناخبين متاع حزبو بش يكون مرشح الحزب الديمقراطي فإنو هذا يعني أنو عندو حظوظ كبيرة بش يولي رئيس... و إذا هذا حدث فعلا فإنو بش يكون عندو تأثير كبير على مستقبل النخبة السياسية المهيمنة في الوقت الراهن و على طريقة التفكير في واشنطن...

عدد التعاليق: 6


حبيت نكتب مقال حول الموضوع لكن للأسف ماعنديش الوقت... في الأسبوع لخر صارت مفاجأة في الحملة الانتخابية للإنتخابات الأولية للمرشح عن الحزب الديمقراطي: بعد مدة طويلة كانت فيها هيلاري كلينتون في صدارة إستطلاعات الرأي إلي تجرى في أول البلايص إلي تتم فيها الانتخابات (الإنتخابات تجرى على مراحل كل مرة في ولاية) و هي ولاية أياوا (يوم 3 جانفي) فإنو الأسبوع الأخير ورى إلي باراك أوباما ولى في الصدارة (هنا)... بعدما جات فترة فقدو كثير من الناس من مناصريه الأمل في إمكانية فوزو بترشيح حزبو على حساب هيلاري كلينتون... حبيت نلاحظ إلي الانتخابات الأولية هذية مهمة برشة: أولا عادة إلي يفوز في الثلاث ولايات الأولى هو إلي يقتلع الترشيح... ثانيا، أنو أكثر الترجيحات تقول إلي مرشح الحزب الديمقراطي هو إلي بش يفوز في الإنتخابات الرئاسية القادمة...

حكيت في مقال نشرتو في جريدة الحياة في السابق على موضوع المرشحين الديمقراطيين للانتخابات الرئاسية و خاصة موقفهم في السياسة الخارجية (هنا).... لكن ظهرلي بالوقت إلي أوباما وقتلي بدى يفهم أنو قرب مواقفو الراهنة (على عكس ما حدث في الماضي) من مواقف بقية المرشحين بدى يقوم بتعديلات في برنامجو عموما بما في ذلك من السياسة الخارجية... هنا نحتاج نمشي لتفاصيل لكن ماعنديش الوقت و هذاكة علاش كنت نحب نكتب مقال مفصل في الموضوع... فمة مرة أشرت للتغير هذاية بمناسبة مقال كتبو أوباما (هنا).... أنا حسب اطلاعي المتواصل على رؤى أوباما يظهرلي هو المرشح إلي يمكن يمثل نقلة جديدة على مستوى أمريكا و ليس لمجرد لون البشرة متاعو و لكن بسبب برنامجو ورؤاه (في السياسة الخارجية أو غيرها) إلي أثبت تمسكو بيها و هو في مستويات مختلفة و هو إلي خلى برشة ناس فقدت الأمل في السياسة و الانتخابات في دعمو... كنت نشك في حظوظ وصولو لكن إذا كان يربح في أياوا ثم في الولايات الزوز الجايين: فإنو بش تكون مفاجآة من الحجم الثقيل يمس تأثيرها مش الحزب الديمقراطي فحسب و إلا أمريكا بل كل ركن من أركان العالم إلي نعيشو فيه.... إي نعم هذيكة الوضعية السياسية الدولية الراهنة: اتجاه العالم يقف على شنوة بش يقررو مواطنين أمريكيين من ولايات مغمورة و صغيرة كيف أياوا و نيو هامبشير... لكن عدم التوازن هذا موضوع آخر إلي يتمحملو فيه المسؤولية في جميع الأحوال مش المواطنين هذومة إلي يمارسو حقهم في انتخاب مرشحيهم بالإضافة طبعا انتخاب رئيس البلاد

لا يوجد أي تعليق


بعد تعليق إضراب صديقي محمد مومني و زملاؤو الجلولي و الزغلامي آخر الأسبوع الماضي كان من المنتظر أنو الوزارة تطرح بعض الأفكار لحلحلة الأزمة مع نقابة التعليم الثانوي... خاصة أنو تعليق الإضراب تزامن مع الاعلان على إضراب قطاعي في 16 و 17 جانفي... حسب جريدة الشروق متاع اليوم كاينو فمة توجه من قبل الوزارة لإدماج الأساتذة المتعاونين من صنف أ (و هي حالة مومني و زملاؤو) بشكل نهائي... فمة تفصيل واحد ربما يخلي الثلاثة إلي أبرزو المشكل مستثنين كيف عدد آخر من الأساتذة المتعاونين من الحل هذاية و هو أنو إلي بش يتم تسوية وضعياتهم يلزم يكونو بداو التدريس قبل جانفي 2005... هل عملية الإدماج هذية حاجة مستجدة أم كانت متوقعة من قبل؟ هل هذية مقدمة لحل أشمل؟ كيفاش بش تكون المفاوضات المنتظرة بين الوزارة و النقابة في ضوء المعطى هذا؟

بالمناسبة لولاد صحتهم تحسنت برشة توة و هوما في فترة نقاهة بعد الاضراب الطويل إلي قامو بيه

تقرير صحيفة الشروق 1 جانفي

الثانــــــــوي: تفاصيل امتحان الادمــــــاج لآلاف الأساتذة المعاونين

* تونس (الشروق)
قرّرت وزارة التربية والتكوين تنظيم امتحانا مهنيا بالملفات لإدماج الأساتذة المعاونين من صنف «أ» في رتبة أستاذ تعليم ثانوي أو أستاذ تعليم تقني أو أستاذ تعليم فني أو أستاذ السلك المشترك لمدرسي اللغة الانقليزية والاعلامية.وتشترط الوزا رة في المترشحين لهذا ا لامتحان أن يكون قد تمّ انتدابهم قبل يوم 2 جانفي 2005 وتقدم الترشحات عن طريق التسلسل الاداري وذلك في أجل أقصاه يوم الخميس 31 جانفي 2008 مرفقة بشهادة خدمات للمترشح ونسخة ومن قرار الانتداب في رتبة أستاذ معاون صنف «أ» ونسخة من قرارات تجديد الانتداب ونسخة من شهادة الأستاذية أو ما يعاد لها اضافة الى نسخة من بطاقة التعريف الوطنية.وستتولى لجنة الامتحان المهني دراسة الملفات المعروضة عليها واقتراح اما ادماج الأستاذ المعاون أو تأجيل ادماجه أو اعفاءه.وسيتضمن ملف كل مترشح تقريرا تقييميا اجماليا تعدّه لجنة معينة للغرض في نهاية السنة الدراسية ويوضح وجوبا مؤهلات المعني بالأمر وكفاءته المهنية وكذلك مواظبته على حضور حلقات تكوينية خاصة مع ابداء رأيها حول قابلية ادماجه.كما يتضمن تقرير مدير المؤسسة التربوية حول مواظبة الأستاذ المعاون وعلاقته بالتلاميذ وبالأسرة التربوية ورأيه في قابلية ادماجه الى جانب رأي المدير الجهوي للتربية والتكوين. وسيتمّ التثبّت في ملفات الترشح وإرسالها الى الادارة الجهوية للتربية والتكوين في أجل أقصاه يوم 4 فيفري القادم ثم توجه الى المدارس الاعدادية والمعاهد الثانوية في أجل أقصاه يوم 9 فيفري القادم ثم تقدم القائمات الاسمية للمترشحين الى المتفقدين كل حسب اختصاصه. وتقول مصادرنا إن هذا الامتحان سيمكن من ادماج عدد كبير من المدرسين المعاونين والذين يعملون منذ سنوات في المدارس الاعدادية وفي المعاهد الثانوية وهو الأمر الذي سيمكنهم من الاستقرار المهني والاجتماعي.
* سفيان الأسود


لا يوجد أي تعليق


طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).