توة مدة قاعدين نحاولو نطورو في موقع رديون.. طبعا تجربتنا مازالت جديدة و قاعدين نتعلمو... هذاكة علاش قاعدين نحاولو نشوفو تجارب أخرى... الصديق عمروش و هو يشارك معانا في موقع رديون بعثلي الرابط متاع الموقع هذاية... راديو "تيت"... إلي هو موقع مصري.. حقيقة ملي بديت نسمع في التسجيلات لولة حسيت أنو هذا بالضبط الشي إلي ناقصنا في رديون... يعني هوما ماعندهمش حوارات كيف إلي عملناها.. و أنا نعتقد إلي الحورات إلي عملناها نقطة إيجابية برشة و بالتأكيد يلزم نواصلوها على خاطر ببساطة فمة حاجة واضحة عندنا للحوار... أما فمة حاجة ناقصة كنت نفكر فيها المدة الفايتة و اقترحتها على بعض أعضاء رديون و إلي هي أنو كل واحد منا يعمل فقرة صغيرة خاصة بيه يحكي فيها بالشاكلة إلي يحسها "أوريجينال"... حقيقة كي نسمع لولاد متاع راديو "تيت" نحس برغبة في التعلم منهم... باهي كي ناخذو مواضيع جدية نتحدثو فيها لكن باهي زادة كي نعملو حاجات ماهياش كلاسيكية... باهي كي نتحدثو على الأمور الجدية بسخرية... على كل انشالله نطورو موقع رديون في الاتجاه هذا عن قريب

بالإضافة للحورات الحصرية متاع "مبعوث" متاعهم لغانا بش يعمل حوارات مع منخب الكورة متاع مصر... نحب نقترح عليكم فقرات معينة كأمثلة على إلي نحكي عليه

نشرة الأخبار

تعليق على تاريخ الشرطة في مصر

تعلم النضال في خمسة أيام

و "الأعدة السرية"..

في لخر نحب نقول للمدونين و إلا غير المدونين إلي يحبو يساهمو في رديون بأشياء من النوع هذا مرحبا بيهم... بالإضافة من خلال رديون نبثو في إذاعة تونس زوون... نعرف إلي نحنا التوانسة ما ناقصنا شي.. بالعكس كي نشوف الكتابات إلي تتحدث بسخرية على أمور جدية من قبل مدونين و كتاب توانسة نقول شنوة المانع أنو هذا يصير بشكل مسموع


عدد التعاليق: 5

    تعليق: Ezzabrat ...  
    29 جانفي 2008 5:52 ص

    Tarek toi et moi on est pas en tunisie donc on peut parler librement contrairement a ceux qui sont encore la bas et qui s'auto-censurent donc tu es entrain de comparer l'incomprarable avec l'Egypte qui venere la liberte d'expression et ce depuis Saddat


    تعليق: 3amrouch ...  
    29 جانفي 2008 8:19 ص

    سعيد لكون الأكتشاف عجبك
    عجبني فيه انو يعمل في برامج على طريقة سؤال/جواب ولا يجب واحد مختص في حاجة و يخليه يشرح مفهومو الشخصي.
    وهذاكه كان مقترح متاعي انو يوم السبت مثلا نجيبو مدون مختص في حاجة ولا عندو اطلاع على موضوع وتقوم انت او احدالأخيان باستجوابو لمزيد الأثراء
    ونهار الأحد تصير لمة بمشاركة البعض باش يقع تحليل المداخلة وتتم ايضا مناقشة اخبار الأسبوع(سياسية,صحافة,تصريحات...الخ)
    هكه نرى نجمو نوسعو التجربة وتولي تهم موش كان حتى التوانسة.


    تعليق: أحمد فؤاد الدين ...  
    10 مارس 2008 11:09 م

    سعيد جدا بتدوينتك الجميلة يا طارق متتصورش اد ايه كل فريق تيت راديو اتبسط لما عرف ان اخوانا في تونس سمعونا
    اتمني انك تفضل تسمعنا وتساعدنا في اننا نكون راديو لكل العرب
    ده الايميل بتاعي
    fouad@teetradio.com


    تعليق: PHLIK ...  
    5 مارس 2009 10:17 م

    هو فعلا اكتشاف رائع ونموذج لراديوا المستقبل في الاول ضحكت وعجبني الكلام بس بعد شويه اتخنقت مش لان الكلام وحش بس لانه صح اوي حقيقه وواقع ومش شر البلية ما يضحك لانه مش بلية علينا دي افعالنا احنا


    تعليق: Nabrawe ...  
    21 مارس 2009 2:24 م

    موضوع جميل جدا
    يسعدني زيارتك لمدونتى الصوتية (راديو العرب الحر)
    اول مدونة صوتية مسموعة
    http://arabfreeradio.blogspot.com



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).