الحكاية وصلت لرويترز (عن طريق الشروق) بجنب الأخبار على "إندلاع القتال في غزة بين فتح و حماس" يا بورب... المعركة الي إندلعت في حي النور في مدينة القصرين المضفرة و وقع إستعمال جميع "الأسلحة" فيها (من ضوافر و قباقب و مهارس).... قال شنوة فما وحدة سرقت قطوس متاع جارتها... بالطبيعة موضوع العركة بديهي برشة خاصة في حي النور في القصرين وين القطاطس نتصور نادرين برشة و صعيب بش تطيح بقطوس خاصة في القوايل متاع جوان........ و بريجيت باردو مهريتنا بالإشاعات نحنا العرب منحترموش الحيوانات و هاك ما الكلاوي... فماش إحترام أكثر من هكة يا رسول الله؟... أنا بيدي ماعادش فاهم... على خاطرني الحقيقة من الجينيراسيون إلي كانت تعدي القايلة في الحومة تريش في قطوس و نطردو فيه من بلاصة لبلاصة بالحجوري... يظهرلي الأمور تبدلت توة... و القطاطس ولاو شخصيات.... إنشاالله يجي نهار النسا هذوما يحترمو بعضهم قد ما يحترمو القطوس البرينس إلي مصيرو مازال مجهول... و إلي بعثلي بالسرقة التصويرة هذية في الإيميل... قال شنوة يحب يحرق و فد من العيشة في القصرين... مانيش متأكد من صحة الإيميل على خاطر فما شكون يقول إلي القطوس متع حي النور تشد و هو حارق للمغرب و يظهرلي قاعدين يحققو معاه

و ربي يهدي ما خلق


عدد التعاليق: 3

    تعليق: dobba ...  
    10 جوان 2007 7:10 م

    Just wanted to stop by and thank you for the comment, have a LAger for me , will you ?


    تعليق: Tarek Kahlaoui ...  
    10 جوان 2007 7:26 م

    Here we go... just got one from the fridge... It's a Sunday yet not really hot enough for a "beer day"...


    تعليق: dalhoumizmorda ...  
    10 أكتوبر 2008 4:08 م

    ملاحكاية تحكيو فيها الدنيا ماشية وتتبدل والعالم قاعد يتطور ويزيد على قدام وانتم تحكيو على القطاطس قداش حابسين وبالله كل واحد يحكي على جيهتو باحترام شوي والقصرين وحي النور خرجو نوابغ وللي مايعرفش البلاد هذي اجمل من الحكايات الفارغة اللي تحكيو فيها والجريئ هو اللي يسمي الاشياء بمسمياتهاوالفاهم يفهم .
    زمردة دلهومي قلم الديمقراطية



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).