تعرفت قبيلة (هنا) على موقع جديد خاص بالمبادرة الرسمية متاع"الحوار مع الشباب".... أهم ركن فيه ظهرلي هو ركن المنتدى (هنا) لأنو من الناحية المبدئية و التقنية هو الصيغة الالكترونية إلي ينجم يتجسم بيها أي "حوار"... عادة عملت طلة على المواضيع إلي في المنتدى... بون مازال جديد عادة مافماش برشة مشاركات و لو أنو فمة برشة مواضيع مفتوحة للنقاش (خاصة حول موضوع "هوية تونس" و المسائل التاريخية بشكل عام)... فمة بالأساس مشاركات في زوز مواضيع... إلي لفت إنتباهي هو أنو فمة تباين في طريقة الكلام متاع المشاركين... في الوقت إلي فمة عدد من المشاركات إلي ما كانتش تلبي دعوة "الحوار" لأنها ما تقدمش في تقييمات و إلا مقترحات بقدر ما كانت إعلانات للولاء للوطن (و هذاية من حق أي واحد مبدئيا).. فمة مشاركات أخرى تعترض على ما تعتبرو أسلوب "ترديد الشعارات" و "اللغة الخشبية".... و بالتالي فمة مشاركين يحبو فعلا يناقشو و يتحاورو بشكل جدي... و لو أنهم ماقدموش رايهم بشكل أوضح

في الحقيقة أنا يظهرلي إلي مادام فمة انفتاح على كل الآراء فإنو من مصلحة "الشباب" (بون صحيح كلمة فضفاضة ساعات: وقتاش يبدى و وقتاش يوفى الشباب في تونس؟) المشاركة في منتديات من النوع هذا... من دون الالتجاء طبعا للسبان و إلا "اللغة الخشبية"... لأنو بشكل مبدئي تتسمى حاجة إيجابية (مهما كان تأويل البعض للنوايا) أنو يقع فتح الباب للحوار بين الدولة و الشباب... و إذا حصل العكس حتى حد ما ينجم يلوم الشباب أنو ماتفاعلش مع المبادرة هذية... و يحملهم مسؤولية التجاهل غير المبرر للشأن العام... و على الأساس هذاية نتمنى يصير حوار صريح و تتوجد مشاركات جدية لأنو هذاية في مصلحتنا الكل... أي حوار حقيقي هو حاجة إيجابية بالضرورة


عدد التعاليق: 10

    تعليق: HNANI ...  
    27 مارس 2008 4:37 م

    s7i7 ya tarek, il faut pousser les jeunes à s'exprimer franchement. il faut leurs dire que c'est pour l'interet de tous.
    le problème est qu'il ya manque de confiance.. je comprends leur réaction, et c'est nous les grands de les encourager.les pousser s'il le faut à aprendre à s'exprimer franchement . les convaincre que la critique est necessaire pour avancer.
    une occasion pareille ne doit pas etre ratée sous aucun pretexte..
    hani ana mouch chabeb et j'en profite hahahha


    تعليق: Werewolf ...  
    27 مارس 2008 7:17 م

    "بون صحيح كلمة فضفاضة ساعات: وقتاش يبدى و وقتاش يوفى الشباب في تونس؟"
    يا سيدي اتهنى انتي تُعتبر مالشباب...فيما يخص الفوروم نتمنى أنو يقع التعامل معاه و مع الاقتراحات بكل جدية من قبل سلطة الاشراف و ما يكونش من نوع عندكش عندي.
    ا


    تعليق: منداف ...  
    27 مارس 2008 10:46 م

    on dit : tama3 fil 3sal min ... elfarzazzou


    تعليق: Alternaute ...  
    28 مارس 2008 5:37 ص

    Salut Tarek,
    Deux questions:
    Comptes tu participer a ce nouvel espace de "dialogue"?
    Si oui que comptes tu y aborder comme sujet ?


    تعليق: Tarek Kahlaoui ...  
    28 مارس 2008 11:15 ص

    خالتي هناني... يظهرلي متفقين... و إنت راك مازلت شباب...

    ويروولف... هاك فقت بية مالا علاش نسئل :)

    منداف... صحيح "العسل" ما يمكنش تلقاه عند ا"لفرززو"... أما زادة بلاش فرززو مافماش "عسل"...

    ألترنوت... أولا، إي نعم ناوي... ثانيا، ثلاثة قضايا نراها مهمة بالنسبة للحوار هذاية: التشغيل خاصة تشغيل أصحاب الشهادات و موضوع الهوية و موضوع الإعلام


    تعليق: kmr ...  
    29 مارس 2008 3:36 ص

    wallahi éna bidi newi ncherek, w bkalimet awdha7 "je compte vraiment m'engager dans ce projet, parce qu'il me semble annoncer une bonne initiative à encourager, et il ne sert a rien de croire au mal tout de suite, essayons et puis jugeons"

    bennesba il wa9tech yebda w wa9tech youfa echabeb fi tounes, netsawer éna echabeb c'est un état d'esprit, tant que 3andek mat9oul, tant que t5ammem fil mousta9bel mte3ik wela mte3 les générations a venir, tant que tu te sens capable d'avoir une position par rapport à une question ou a une autre, capable de la défendre, et capable d'accepter d'autres points de vue du moment qu'ils sont constructifs, bennesba lia éna mezelt chabeb. donc franchement j'aimerais vraiment inviter tout le monde a participer à ce dialogue, en espérant qu'il donne un résultat, meme maigre.


    تعليق: أبو معاذ المطوي ...  
    29 مارس 2008 4:53 م

    حبّيت نشارك في الفوروم و كتبت رد على موضوع من المواضيع المفتوحة ياخي خرجتلي كتيبة "مشاركتك تنتظر موافقة الادارة لنشرها"(ولا حاجة من النوع هذا)، معناها فوروم بالترخيص المسبّق! و بعد 24 ساعة من وقت اللي أرسلت الردّ ما زلت ما لقيتوش في الفوروم يعني اللي هو ما خذاش الترخيص رغم اللي ما فيه حتّى شي يستاهل أنّو يحذفوه، و تقلّي حوار؟؟؟؟؟


    تعليق: Tarek Kahlaoui ...  
    29 مارس 2008 4:59 م

    أولا، يعطيك الصحة أبو معاذ أنك شاركت... لأنو بالمشاركة فقط نعرفو إلي هو حوار حقيقي و إلا لا... الجلوس على الربوة ما يحل حتى مشكلة بالرغم إلي ينجم يظهر كمزايدة
    ثانيا، سمعت أخرين شاركوا و تلقاو نفس الميساج... و كيف نحكيو على المشاركة و على "الترخيص" للمشاركة هو في إطار الشفافية اللازمة في حوارات من النوع هذا... إذا في الحالة هذية الكرة في ملعب المشرف على المنتدى


    تعليق: خليّل ...  
    30 مارس 2008 8:44 ص
    أزال المؤلف هذا التعليق.

    تعليق: خليّل ...  
    30 مارس 2008 8:45 ص

    http://7kayet.blogspot.com/2008/03/2008.html



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).