كنت البارح حطيت رابط على موضوع السائحة البريطانية إلي تقتلت في القنطاوي (هنا)... حسبما يظهر السيد إلي عمل العملة شاب صغير... و مش مستبعد إلي المسألة عندها علاقة بموضوع السياحة الجنسية إلي يزدهر في الصيف خاصة بين شبان توانسة و نسا عزايز أوروبيين (طبعا فمة تشكيلات أخرى... نعرف)... اليوم قريت تقرير في موقع "إيلاف" (إلي يموت على المواضيع هذية و أي حاجة فيها إثارة و "جنس" كيفو كيف ولد عمو موقع "العربية.نت") على الموضوع هذا بالذات (شوف التقرير هنا).. شبان توانسة (بما فيهم من غير الناجحين في مناظرة "الكاباس") أملهم في الدنيا في العزوزة إلي بش تجي و تنقذهم من "المأساة" إلي يعيشو فيها... نتفهم طبعا "حلول" من النوع هذا... لكن زادة مانجمش نكذب على روحي و مانقولش إلي مع كل الأوضاع الصعبة لبعض الشبان التوانسة جزء من المشكل متاعهم هو سلبيتهم و تجنبهم الحلول الإيجابية بما فيها أنهم يتكلمو و يدافعو عن حقوقهم و مطالبهم
الاشتراك في:
تعليقات الرسالة (Atom)
اخي طارق اعتقد انو الموضوع حساس ويتعلق بسمعة بلادنا , انا ما ننفيش انو ثمة سياحة جنسية في تونس لكن بنسب قليلة المهم كيما قلت انو هالشبان واحد يعذرهم لانها بالنسبة ليهم حل .
حاجة اخرى صحيح كلنا نعيشوا في سلبية ولكن تاكد خويا طارق ها السلبية هي قدر لكل هالشعوب المتخلفة والقدر مانجموش نهربو منوا
إرسال تعليق