هذاية إلي يظهر حسب تقرير في الصباح الأسبوعي اليوم (هنا)... إلي يسمي فيهم التقرير "التيار الرافض لمقترحات الوزارة" يبدو أنهم شدو مواقع في المكتب التنفيذي لنقابة أطباء الاختصاص في بلاصة عدد من المستقيلين... و كانت الجلسة العامة لخرة متاع النقابة شهدت برشة صراعات و كان واضح إلي تيار "الرفض" كان حضورو بارز في الجلسة مما يفسر صعودو للمكتب التنفيذي بعد الاستفالات (هنا تقرير الصباح الأسبوعي متاع الجمعة الفايتة على الجلسة العامة)... أما يظهرلي إلي الصباح الأسبوعي (إلي ولات متخصصة في صحف دار الصباح في الموضوع هذاية) دخلت روحها في العركة و ولات فعليا في موقع مش محايد بالافتتاحية متاع المرة الفايتة و بالمقال المرة هذية إلي يحكي على "ردود و تفاعلات المواطنين" ضد موقف أطباء الاختصاص (هذية الافتتاحية متاع الجمعة الفايتة و شوف هنا التقرير الدعائي هذاية...) ...

كنا تحدثنا في حوار رديون لخراني على سبب المشكل متاع نقابة أطباء الاختصاص مع نظام الكنام و لو أنو الحوار كان بالأساس متأثر بوجهة نظر أطباء الاختصاص... ممكن سماع الحوار هنا (في الموقع الجديد متاع رديون) خاصة في الجزء الأول... بالمناسبة نحب نعمل إشارة للمدونة متاع "كوا دو نوف دكتور؟" متاع زميلنا مدون تونسي إلي شارك معانا في الحوار في رديون و إلي يتابع بشكل منتظم في أخبار الطبة من وجهة نظر طبيب مباشر


عدد التعاليق: 2

    تعليق: Al-Hallège ...  
    7 جويلية، 2008 1:09 م

    يظهر ان الدولة عملت برنامج و ماهيش عارفة النهاية متاعو يشبه لبرنامج التعاضد في الستينات .
    .و الأطباء عرفو إللي البرنامج ضبابي و زيرو و حبو يبتزوا المواطن المسكين إللي طاح من فوق و جاء مابين أسنان التمساح ويمثل الإطباء الفك الأسفل و الحكومة الفك الأعلى الجامد و الغير متحرك


    تعليق: WALLADA ...  
    7 جويلية، 2008 5:05 م

    الخوف الكلّ لو كان يظهر النّظام الثاني متاع طبيب العائلة عقيم و ما يصيرش استرداد المصاريف و في نفس الوقت يبدأ القصّان لفائدة الكنام من المرتّبات في شهر جويلية وقتها الأزمة بش تتعرَّى . اليوم كنت في الكنام و شفت ناس كبار و حتّى رضَّعْ ما خذاوش الموافقة على أدوية لأمراض خطيرة كالقلب و الأعصاب و السّرطان عافانا و عافاكم اللّه



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).