فمة دعوات بما فيها في الصحافة التونسية (هنا مثلا) لـ"الغاء احتفالات رأس السنة"بسبب القصف على غزة... طبعا أي شخص عندو الحق بش يحتفل في رايي فيفضاؤو الخاص... لكن "القنوات الوطنية" إلي هي تمثل الدولة التونسية (إلي هي التسمية غير الدقيقة المستعملة في تونس بالنسبة للقنوات الحكومية.. كاينو وسائل الاعلام غير الحكومية مش "وطنية") من المفروض تعكس "المشاعر العامة" و هذا يحصل في أكثر الدول تحضر و مؤشر على علاقة الاحترام المتبادل بين أي شعب و الاعلام السائد بما فيه الحكومي... لأنو يظهرلي مش حاجة مفائجة أنو غالبية الشعب التونسي متأثرة بالوضع في غزة... المشكل إلي "قنواتنا الوطنية" عادة تتجاهل الظروف الخاصة هذية و ما تبدلش برمجتها الاحتفالية (إلي الحقيقة ما تستهوينيش في كل الأحوال نظرا للخصائص البودورية متاعها)... في حين فنانين توانسة ينجمو يكونو في المستوى... بالرغم مانيش مغروم بصابر الرباعي لكن الخطوة متاعو في الغاء حفلة كان بش يعملها بالرغم عدد كبير من التساكر تقصو (هنا) يظهرلي تزيدو قيمة و ما تنقصش منو... و بالمناسبة في مصر مثلا "دار الأوبرا" نفسها خذات قرار و ألغات حفل محمد منير (هنا)...


عدد التعاليق: 6

    تعليق: Underwolrd Realm ...  
    30 ديسمبر، 2008 12:37 م

    ان شاء الله يكونوا في المستوى و يبطلوا احتفالات راس السنة و لو اني قطعت الامل منهم. لو كان الدنيا جات دنيا راهم يعملوا يوم حداد مش تونس برك العرب الكل.
    مش كيف المهزلة متاع راس العام العربي : بنادر و منشدين و فنانين من هاك الي يقوللهم ملتزمين ( سعدك يا الاطرش ) الناس مازلت دماياتهم تشتل و المذيعة تسال في ضيفها انت كليت الكسكسي بالقديد ? خممتشي زعمة فلي ما لقاش قدمة خبز باش ياكلها ?
    انا يا طارق ما نشوفهاش حكاية قنوات حكومية و موقف دولة و انما من باب الحياء و مراعاة مشاعر الاخرين.
    كيما يقول المثل "اذا لم تستح فافعل ما شئت".


    تعليق: Zied ...  
    30 ديسمبر، 2008 12:44 م

    ihtifelet rass el 3am ala tounes sab3a est la seule echappatoire pour des millions de gens en Tunisie. les annuler equivaut a dire que seul les riches ont le droit de celebrer rass el 3am!


    تعليق: Walid ben omrane ...  
    30 ديسمبر، 2008 1:40 م

    @ Zied : je ne pense pas que ces "millions de gens seront attentifs à ce que leur présentra TV7 en terme de festivités alors que les autres chaines satellitaires mettent en relief des images d'horreur. En plus , ta comparaison marxisante n'est pas vraiment pertinente les fêtes de fin d'année n'ont pas encore un fond anthropologique exhaustif chez les Tunisiens. En les comparant à les fêtes de l'aïd on se rend compte de leur superficialité


    تعليق: khayati ...  
    30 ديسمبر، 2008 4:11 م

    @tarak
    Si tu as bien remarqué, T7 n'a diffusé aucune chanson depuis trois jours et ne diffusera pas de gala demain soir... Alors!


    تعليق: Tarek طارق ...  
    31 ديسمبر، 2008 12:17 ص

    زياد.. الشعب التونسي يعيش "الاحتفال التلفزي" عام 12 شهر.. حتى التونسي المزمر عندو فضائية.. هذا إذا كان الاحتفالات بودورو الماصتة متاع تونس 7 انجمو نعتبروه تفرهيدة.. أما الدنيا أذواق طبعا

    الخياطي... أية باهي.. يعطيك الصحة على الخبر... ما تتغشش عادة


    تعليق: khayati ...  
    31 ديسمبر، 2008 3:10 ص

    طارق عزيزي، علاش باش نتغشش، تونس 7 و21 ما هوماش ملك السيد الوالد، هوما ملكنا كلنا... ثم نحن مع آخر ساعات من هذه السنة المشؤومة على فلسطين جراء العدوان الإسرائيلي وأخالك تعرف رأيي في دور حماس في تأجيج الحالة ورفضها حالة لا حرب، لا سلم... كل سنة وأنت وذويك يخير وعافية وإلى 2009 التي ستحمل حتما عديد المفاجآت,,, تحياتي
    خ خ



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).