توة فمة أشهر وليت مهتم برشة بموضوع إذاعات الانترنت.. المسألة بدات بالتدوين الصوتي و بالشوية بالشوية بديت نكتشف في مواقع خاصة بالتدوين الصوتي... و إمكانية تطوير التدوين الصوتي من تجربة فردية الى تجربة جماعية... و هكاكة قمت مع أصدقاء مدونين بتأسيس موقع سميناه "رديون" (هنا) و إلي من المفترض بش نطوروه في الأسابيع القادمة... و

فمة زادة مشروع تأسيس إذاعة في الانترنت... و هي حاجة منتشرة في مختلف أنحاء العالم توة و ماهياش صعيبة برشة... في الإطار هذاية علمت اليوم إلي فمة شكون قام بتأسيس إذاعة تونسية في الانترنت بمناسبة 10 ديسبمر الإعلان العالمي لحقوق الانسان اسمها "تونس 6" (هنا)... و لو أنو هذية مش أول إذاعة تونسية تبث بشكل حصري في الانترنت لأنو فمة إذاعات سابقة (مثلا إذاعة "تونس بلادي" هنا)... زادة إذاعة "تونس 6" يظهر مازالت في مرحلة التجربة (بما أنو تبث كان الأغاني في الوقت الراهن) لكن هذية عموما مبادرات إيجابية من المفروض تثري المشهد السمعي في تونس

عدد التعاليق: 8

    تعليق: Big Trap Boy ...  
    12 ديسمبر، 2007 9:58 ص

    مبادرة ممتازة، يعطيكم الصحة، هاني نستنا في البث المباشر بفارغ الصبر


    المعلق السابق بالله علاش التشوليح؟ لازم منو زعمة؟؟


    تعليق: Tarek Kahlaoui ...  
    12 ديسمبر، 2007 12:06 م

    لا المباشر مازال بكري برشة عليه... هانا بش نحاولو نسجلو برامج حوارية و مبعد يعمل ربي...
    بالنسبة للمعلق الأول الوسخة فسختو... العافن هذاية توة المرة الثانية يخلي تعليق كيف هكة...


    تعليق: Werewolf ...  
    12 ديسمبر، 2007 1:27 م

    و لو أني ما نحبش الموديراسيون آما يظهرلي فيها الحل الوحيد لمقاومة هالراكاي بأتم معنى الكلمة على الأقل احتراما لبقية المدوّنين.
    ا


    تعليق: Tarek Kahlaoui ...  
    12 ديسمبر، 2007 1:32 م

    ويووولف... أبعثلي إيمايل.. دخلت على الصفحة متاعك ما نجمتش نلقى الإيمايل متاعك


    تعليق: Werewolf ...  
    12 ديسمبر، 2007 2:17 م

    أنا زادة ماعنديش العنوان متاعك أهوكا كتبتهولك في رسالة شخصية على مايبلوقلوق


    تعليق: Walid ben omrane ...  
    12 ديسمبر، 2007 2:40 م

    Bonne initiative peux tu juste m'expliquer d'avantage le principe par un post ou par un mail? Peut on aussi y participer à une telle initiative?. J'ai lu l'anerie effacé En tout cas la caravane avance et les chiens aboient...


    تعليق: Tarek Kahlaoui ...  
    12 ديسمبر، 2007 3:51 م

    وييروولف ما عادش ندخل على مابلوق لوق... الباسوورد ضاع بعد ا فورماتيت الكمبيوتر... على كل حال هاو الإيمايل متاعي
    tkahlaoui@gmail.com

    وليد المبدأ ساهل يكفي أنك تكون عضو و تنجم تقوم بالتدوين بشكل مباشر و فردي... بش نعملو قعدات حوارية ونسجلوها... زادة... تحربة بدائية.. أما خطوة أولى


    تعليق: Werewolf ...  
    12 ديسمبر، 2007 6:33 م

    Mail envoyé



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).