في إطار تبديل الجو من عمار و أجواؤو الإرعابية (مفخخات 404) لفت إنتباهي التصريح هذا متاع واحد من "كبير المستشارين" متاع جون ماكاين مرشح الحزب الجمهوري للرئاسيات الأمريكية... التصريح المرعب متاع السيد هذا (تشارلز بلاك) يوري إلي الحاجة إلي جات لبالو كان صار لا قدر الله حاجة كيف هكة هي أنو سي ماكاين بش يخرج رابح و المعضلة أنو مش فكر أكهو في الموضوع بل أنو صرح بيه علنا... طبعا حملة ماكاين نددت بالتصريح... أما توة بش تحفل خاصة بالنسبة للتنظيرات المؤامراتية إلي ترى أنو "الحكومة" هي ورا "الضربات الإرهابية"... لكن من جهة أخرى أنا يظهرلي بعكس برشة ناس بما فيهم سي "بلاك" إلي مش بالضرورة كلامو صحيح... خاصة أنو الضربة هذية كان بش تصير بش تصير في عد رئيس جمهوري في نهاية الأمر


عدد التعاليق: 4

    تعليق: Tarek ...  
    24 جوان، 2008 4:23 م

    I liked one comment on black's statement: He was like
    "I meant what I said but didn't mean to say it."
    As long as the voters think that mccain is stronger in foreign policy than the democrats (war, war, war, do not talk to your enemies, set goals of the negociations as preconditions to talk), then yes, an attack on the us soil is the winning ticket for him.


    تعليق: Werewolf ...  
    24 جوان، 2008 8:50 م

    و علاش ما يكونش تصريحو في إطار زرع الخوف فقط لا غير... نتصور اللي تصريحو عندو نفس الأثر متاع ضربة إرهابية فعلية...


    تعليق: Heni ...  
    25 جوان، 2008 3:49 ص

    يا طارق ياخي اشبيه الرديون ؟؟
    زعمة تصنصر زادة ؟


    تعليق: طارق ...  
    25 جوان، 2008 4:53 ص

    طارق... هههه إي أنا نخمم كيفاش نترجمها الجملة هذيكة إلي قالها... أما بالنسبة لبقية إلي قلتو فمة حاجة إضافية كيفما قلت يلزم حطانها بعين الاعتبار: إذا كان الديمقراطيين يعرفو كيفاش يوجهو الغضب في اتجاه أنو المسؤول هو إلي يمسك بالسلطة (كيفما صحل في إسبانيا) فإنو النتيجة تنجم تكون العكس... لكن في الحلتين تعقيد الواقع بش يكون أقوى و أكثر مفاجأة منإستقامة الافتراضات متاعنا

    ويروولف... إي هو صحيح تصريح "إرعابي" مش لدرجة نفس التأثير

    هاني... صحيح و مش صحيح.. أعمل طلة لهنا
    http://anticensuretunisie.blogspot.com/2008/06/blog-post_22.html



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).