بالحق تكون تجربة هايلة. يعني على الأقل تتوجد أرضية متاع "حوار". علاش التعب. إنت ترتاح و نحنا نرتاحو. أعملنا "ليستة" متاع الحاجات إلي تطيرهالك و تخليك، لا سمح الله، تتغشش علينا. نحنا ما نحبوكش تتغشش. راك خونا الكبير. و ما نحبوش نعكرولك صفوك. هو ديجا الصيف جا و ماذابينا تتفرهد: علاش ما تعملش مدونة تحطلنا فيها قواعد السلوك و نحنا بالطبيعة توة نسمعو الكلام... و برة صيف. يا أخي... برة صيف. صحيح الدنيا غلات أما كالعادة شوية كريديات و قرض أتوة تسلكها. تي هي شنية الدنيا كان الواحد يعديها النهار الكل قدام "أورديناتور". زيد فمة المهرجانات. كالعادة جو يعمل الكيف. فين تمشي تصيف تلقى مهرجان.
باهي ما تحلش مدونة شخصية متاعك. نعرفو ظروف العمل و "خبزة لولاد". هاو مدونة جماعية جديدة شارك فيها. تي مسألة رمزية. تبرهن فيها إلي إنت "مبدئيا" ضد الحجب. بركة ساعات فمة شوية إستثناءات. كيف العادة، نعرفو فمة ديما إستثناءات. إنت أدرى. تي راك خونا الكبير.
"برة صيّف. يا أخي... برة صيّف."
ياسر عجبني التأكيد في الجملة هاذي... أيّا تحط خطار يا طارق اللي عمّار شاخ عليها هو زادة و قال آش خص ماو تعرف الخبزة مُرّة
:)))
Tarek, merci de m'avoir accordé l'accès au nouveau blog contre la censure. Excellente intiative!
ويروولف... حتى أنا قعدت نضحك مبعد
كارب دييم... مرحبا
دكتور هذا ماطلبتم به
www.7amass.blogspot.com
@Titof:
موش قلّك مانحبّش كلمة دكتور!!!
و الله اقتراح هائل يا طارق
إرسال تعليق