بالحق تكون تجربة هايلة. يعني على الأقل تتوجد أرضية متاع "حوار". علاش التعب. إنت ترتاح و نحنا نرتاحو. أعملنا "ليستة" متاع الحاجات إلي تطيرهالك و تخليك، لا سمح الله، تتغشش علينا. نحنا ما نحبوكش تتغشش. راك خونا الكبير. و ما نحبوش نعكرولك صفوك. هو ديجا الصيف جا و ماذابينا تتفرهد: علاش ما تعملش مدونة تحطلنا فيها قواعد السلوك و نحنا بالطبيعة توة نسمعو الكلام... و برة صيف. يا أخي... برة صيف. صحيح الدنيا غلات أما كالعادة شوية كريديات و قرض أتوة تسلكها. تي هي شنية الدنيا كان الواحد يعديها النهار الكل قدام "أورديناتور". زيد فمة المهرجانات. كالعادة جو يعمل الكيف. فين تمشي تصيف تلقى مهرجان.

باهي ما تحلش مدونة شخصية متاعك. نعرفو ظروف العمل و "خبزة لولاد". هاو مدونة جماعية جديدة شارك فيها. تي مسألة رمزية. تبرهن فيها إلي إنت "مبدئيا" ضد الحجب. بركة ساعات فمة شوية إستثناءات. كيف العادة، نعرفو فمة ديما إستثناءات. إنت أدرى. تي راك خونا الكبير.


عدد التعاليق: 6

    تعليق: Werewolf ...  
    21 جوان 2008 12:38 ص

    "برة صيّف. يا أخي... برة صيّف."
    ياسر عجبني التأكيد في الجملة هاذي... أيّا تحط خطار يا طارق اللي عمّار شاخ عليها هو زادة و قال آش خص ماو تعرف الخبزة مُرّة
    :)))


    تعليق: Carpe Diem ...  
    21 جوان 2008 6:04 ص

    Tarek, merci de m'avoir accordé l'accès au nouveau blog contre la censure. Excellente intiative!


    تعليق: طارق الكحلاوي ...  
    21 جوان 2008 2:34 م

    ويروولف... حتى أنا قعدت نضحك مبعد

    كارب دييم... مرحبا


    تعليق: titof ...  
    21 جوان 2008 7:33 م

    دكتور هذا ماطلبتم به
    www.7amass.blogspot.com


    تعليق: Werewolf ...  
    22 جوان 2008 12:01 ص

    @Titof:
    موش قلّك مانحبّش كلمة دكتور!!!


    تعليق: Daddou ...  
    24 جوان 2008 9:41 ص

    و الله اقتراح هائل يا طارق



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).