الترتيب إلي يخرج بشكل سنوي منذ 3 سنوات على الأقل خرج ليامات لخرة (هنا و الترتيب هنا)... طبعا من أهم الأشياء إلي يكشف عليها هي أنو الثروة الاقتصادية و حتى عراقة التجربة الديمقارطية ما تعنيش بالضرورة مكانة أفضل للمرأة... و هذاكة علاش مثلا أمريكا إلي فيها جدال كبير حول الموضوع هذا خاصة المساواة في الأجر نلقاوها في الرتبة 27 بعد دول فقيرة نسبيا كيف الفليبين و الموزمبيق و الترنيداد... أنا لفتت انتباهي مرتبة تونس (رتبة 103)... أولا تأخر مرتبة تونس على العام إلي فات (2007) من رتبة 102 و تأخرها عن عام 2006 وقتلي كانت 90... ثانيا لفت انتباهي تقدم دول افريقية و عربية و اسلامية ممكن يعتقد البعض منا المرأة فيها أقل مكانة من بلادنا.. تقدمها على تونس: كيف الكويت و كينيا و غانا و الملاوي و بنغلاديش و ماليزيا... كما أنو رتبة تونس (103) ما تبعدش برشة على رتب بلدان أخرى ممكن يتفاجئ البعض من التقارب معاها كيف إيران (116) و السعودية (128)... طبعا هذية أرقام ناتجة على مقاييس نسبية و ما تعكس بالضرورة و بشكل مطلق الواقع.... لكنها مؤشر عندو حد أدنى من المصداقية و يخلينا نخممو أكثر حول التباين بين الكلام و حتى القوانين و الوقائع و العقليات الفعلية...


عدد التعاليق: 7

    تعليق: adam ...  
    12 نوفمبر، 2008 5:47 م

    آه هذي ما قالوهاش في التلفزة؛ سمعنا كان المرتبة الثانية متاع الانفاق العمومي؛ خويا طارق بالله كان عندك فكرة على المقاييس المعتمدة في تقرير دافوس ماذابينا تكتبنا على الموضوع بصفة ضافية اكثر
    تحياتي


    تعليق: khayati ...  
    13 نوفمبر، 2008 12:16 ص

    La fin de ton commentaire est u ne réalité tangible dans le pays... surtout les mentalités car la loi reste toujours interprétable et c'est là le hic! Ces derniers temps, on entend des vertes et des pas mures. merci et bonne journée avec grosses bises à ton héritier (ba3ad 3oum touil(


    تعليق: Walid ben omrane ...  
    13 نوفمبر، 2008 3:51 ص

    ça prouve qu'avec seulement des lois et du pipo on change pas une société le vrai changement trouve sa racine dans la transformation de la structure social
    Bonne journée.


    تعليق: Tarek طارق ...  
    13 نوفمبر، 2008 7:51 ص

    آدم أتوة نثبت و نقولك
    الخياطي... وصلو :)
    وليد... بالضبط حتى أنا هذاكة أش حبيت نقول


    تعليق: abbes ...  
    14 نوفمبر، 2008 4:32 م

    aya lhamdoullah khraj hattakrir khatir ahana fi 3oumoumna ma nsadkou ken takarir ennas illi adhka minna winnas illi 3andhom snin fi ounes rikhom chah whouma ykoulou raaaaaana halitna hlila whill essorra talka khit hadouka allah ghaleb 3lihom
    ndhon mazalit tounes twakhar aktar fillista waktilli tzid el kawanin titsalah aktar m3a el houwiya il islamia kif ma sadkit l`annee derniere 3la el mithak el 3arabi li houkouk el insan illi ynoss 3la el tamyiz el ijabi bayn el jinsayn fi itar chari3itna el islamiya illi ma tnajam tkoun ken 3adlala
    chnowa rayek ya doctour ? ..


    تعليق: Tarek طارق ...  
    16 نوفمبر، 2008 10:49 ص

    سي عباس ما تتخشش علينا عادة... هو الحقيقة "جماعتكم" ماهمش وحايدين برشة و زيد تقرير متندى الاقتصادي العالمي فيه ترتيب و مقارنة بين دول العالم و هذاكة علاش هو مهم (ما ظهرلي كان عملتو انتومة ترتيب عالمي)... أنا إلي يهمني في هذا الكل هو أنو إصلاحات حقيقية ما تنجمش تتم بمجرد إصدار قوانين من قبل أي سلطة... الهوة الأهم هي بين العقلية الاجتماعية و القوانين العامة... و هذية مغضلة معقدة برشة... تحبلها وقت


    تعليق: abbes ...  
    16 نوفمبر، 2008 2:45 م

    chkoun ahna ma fhimtikch ... famma nas min echara3 ettounsi kalou liklam heda ... binnisba littakrir allah ghalib tnajam rahou tfoutik hajet w ma ta3limchi bihom khater houma bayna difrayn 3amlou takarir mo3tarifa biha el omam el mottahda et .... khalli 3ad hkayit el howa bin el kawanin wil 3akliya el ijtima3iya ena nitsawar ma titkallas halhowa illa kif twalli el kawanin min nafs tinit hal3akliya ... hadaka 3lach s altik 3la hkeyit el mousadka ... samahni 3ad tawalt 3lik



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).