الخبر في الصباح متاع اليوم (هنا)... كنت تحدثت (هنا) على التوتر إلي حصل في السابق مع وزير الرياضة السابق و إقالة طارق ذياب... توة نحب نفهم في مصلحة شكون فضيحة كيف هكة يعني فضيحة بمستوى تهنتيل طارق و تكركيرو في المحاكم تحت عناوين ما عندهاش علاقة بالمشكلة الحقيقية (كيما يصير في حالات أخرى عندها أكثر علاقة بالسياسة)... آخي هذا ما يزيدش احتقان الناس خاصة أنو مكانة اللاعب هذا في قلوبها عندها تأمين مدى الحياة و ما يهزها حتى شي بما في ذلك قضية "التأمين و الرشوة"؟ ما فمة حد عندو الحق يكون فوق القانون.. أما الكل نعرفو إلي مش قضية "التأمين و الرشوة" هي المشكل الحقيقي في "قضية" طارق...

رشوة؟ حتى و لو كان طلعت صحيحة... هل أنو (على سبيل الافتراض) "بلقاسم" إلي عطاها للبوليس عندها وزن قدام اللعب الصحيح إلي صاير في مستويات أخرى... جاب ربي "مؤشر الشفافية" السنوي خرج ليامات إلي فاتت و نحنا في الخريطة (هنا) مازلنا في المنطقة الحمرا... نحبو نشوفو محاكمات للراشين و المرتشين... علاش لا... أما تسييسها ما ينجم كان يأبد الوضع الراهن...

عدد التعاليق: 3

    تعليق: Werewolf ...  
    26 سبتمبر، 2008 11:38 ص

    كأنّي بالفضايح ولاّت هي القاعدة موش الاستثناء في تونس... سبحان الله الأعوان الكل ولاّوا محلفين بالحق و اللي عندهكم ضمير ما يطيحوا بالزهر كان باللي عندو مشاكل مع شكون و إلا شادّينلو بونتو... نمشي معاك أكثر من هكة و كي يبدا هو ما عرضش عليه أصلا حتى شي... ياخي باش يكذبوه البوليس تي ماهو ضابطة عدلية... بالضبط كيف حكاية بوخذير


    تعليق: StartUp.Tunisie ...  
    26 سبتمبر، 2008 4:39 م

    yaw mala i7keia,


    تعليق: Nakhlet Oued el-Bey ...  
    28 سبتمبر، 2008 6:19 ص

    ياطارق رد بالك الجماعة عندهم دوسيات على الناس الكل. و الدوسي كي حاشتهم يحلّوه يتحل و ربي يبعدهم علينا



طارق الكحلاوي
نشأ طارق في أحد مدن الضواحي مدينة رادس الواقعة في الجمهورية التونسية. يشغل الآن موقع أستاذ في جامعة روتغرز (قسمي التاريخ و تاريخ الفن). تلقى طارق تكوينه الجامعي في جامعة تونس (كلية 9 أفريل، إجازة و دراسات معمقة في التاريخ و الآثار) و جامعة بنسلفانيا (رسالة دكتوارة في تاريخ الفن). و يعلق بانتظام على القضايا و الاوضاع العربية باللغتين العربية و الانجليزية في مواقع و صحف مثل "الجزيرة.نت" و "القدس العربي" و "الحياة" و "العرب نيوز" و "ميدل إيست أونلاين"، و يكتب عمودا أسبوعيا في جريدة "العرب" القطرية. يكتب أيضا في قضايا ثقافية و نظرية تخص الاسلام المعاصر في المجلة البيروتية "الآداب". و تمت استضافته للتعليق في قناة "الجزيرة الفضائية" و قناة 13 "بي بي أس" (نيويورك).

Tarek Kahlaoui
Tarek grew up in the suburban city of Rades in Tunisia. He is currently an Assistant Professor at Rutgers University (a joint position in the Art History and History departments). Tarek graduated from the University of Tunis (Bach. and DEA in history and archeology) and University of Pennsylvania (Ph.D. in history of art). Tarek also comments regularly in Arabic and English on Middle Eastern issues and politics in Aljazeera.net, Al-Quds Al-Arabi, Al-Hayat, Arab News, and Middle East Online, and writes a weekly column for the Qatari newspaper Al-Arab. He also writes on intellectual and theoretical issues related to contemporary Islam in the Lebanese magazine Al-Adab. He was also invited to comment in Al-Jazeera Channel, and in Channel 13 (PBS-New York).