القوفرنور و عين الشماتة
عملنا حوار في رديون نهار العيد مع القوفرنور حول الفيلم متاعو القصير و التحفون "عين الشماتة" (هنا)... الحقيقة القرصنة ساهمت أنو شفناه و بالتالي أنو ناقشوه... على كل حال الشريط قاعد يتعرض في قاعة المونديال بالنسبة للناس إلي في تونس و يحبو يشوفوه مع تسعة أفلام أخرين...

مهرجان دبي
حبيت نلفت الانتباه لمقال بيار أبي صعب في جريدة الأخبار اللبنانية إلي كان عضو في لجنة تحكيم مهرجان دبي السينمائي... أبي صعب كشف على كواليس النقاشات إلي جرات في لجنة التحكيم و نعتقد أنها من المرات القليلة إلي يتحدث فيها عضو لجنو تحكيم مهرجان سينمائي على النقاشات المغلقة حول كيفية إسناد الجوائز (هنا)... الشي إلي خلاه يفلقط و يقول كل شي هو تقرير صفرواي في موقع الاثارة الصحفية الرقمية "العربية نت" إلي اتهموه فيه أنو دعم حصول فيلم لبناني على الجايزة... بالمناسبة أبي صعب قال إلي حب يعطي جايزة أحسن ممثل و ممثلة لتوانسة لكنو واجه الرفض...