كنت تحدثت على مدونتنا الصوتية الجديدة رديون بمناسبة الحديث عن إذاعات الانترنت التونسية مع انطلاق "راديو 6" (هنا)... التجربة متاع التدوين الصوتي إلي بدات بشكل فردي حبينا نرتقيو بها الى مستوى التدوين الصوتي الجماعي أو ما نسميه التدوينات الحوارية... طبعا التجربة مازالت في بدايتها و قاعدن نعكزو في الأمور التقنية و ما ناش ندعيو إلي قاعدين نقومو بعمل إذاعي إحترافي... لكن قاعدين نحاولو على كل حال بالوسائل إلي عندنا بش نستعملو وسيلة جديدة في التدوين و بالتالي في التعبير... قمنا بتسجيل عدد من الحوارات وبش نواصلو في الأسابيع القادمة حول مواضيع مختلفة... أول تدوينة حوارية قمنا بنشرها اليوم على المدونة كانت حول موضوع فيلم "عرس الذيب" و من خلالو حول السينما التونسية (هنا)... حبيناها تكون عفوية و حاولنا نزينوها بشوية مقطوعات موسيقية... الحقيقة بش نحاولو أنو نربطو الحوارات بالمواضيع إلي تلقى إهتمام بين المدونين التوانسة... و هذاكة علاش بش نحاولو أنو يشاركو معانا أكثر عدد متاع مدونين بش انوعو في المشاركات و المواضيع... على كل حال تنجمو تتفاعلو مع التجربة هذية من خلال التعليق في المدونة أو من خلال الاتصال بينا على العنوان التالي
radyoun@gmail.com