ما عنديش حتى نظرات مسبقة على الفرنسيس... صحيح بشكل عام مانحملهمش لأني عاشرت برشة منهم متعالين من غير حتى سبب و زيد دمهم ثقيل.... و قداش نحتقر النوعية هذية كي نقابلهم في أمريكا خاصة الأكاديميين منهم إلي كي يعرفو إلي أنا من تونس يبداو يتصرفو كاينهم أعرافي و طبعا أنا وقتها الرحمة لا نعطيهم الحس و بالطبيعة نرفض وقتها حتى نحكي معاهم بالفرنساوية و نتصرف بنفس الشكل كي نمشي لفرنسا... لكن طبعا عرفت فرنسيس زادة ناس طيبة.. يقعدو قلال.. أما فمة فرنسيس ناس طيبة... لكن المرة هذية بش نحكي على الصنف الأول... إلي نحب نسميهم الفرنسيس الحيوانات....
باهي تقولو فاش قام عليك قلبك معبي و فاش قام عليه جابد على الموضوع هذاية توة... إلي خلاني نسخن هو أني شفت الشريط الوثائقي هذاية (رابط لفوروم نبارة بالنسبة للي ما ينجموش يشوفوه في دايلي مووشين... هذا رابط آخر أضافو ويروولف للي مانجموش يشوفو الشريط في الروابط لخرى).... مهزلة بالقوي... شي يحزن و يخليني نتساءل على الفرق بين الاحتلال و ما بعد الاحتلال... لا إنسانية و أخوية و ثورة فرانساوية لاشي.... مازلنا في نظام إزدواجية القيم نفسو إلي يخليهم يعاملونا كحيوانات... نظرة عنصرية عريانة في عدوانيتها من غير مساحيق... مجرد حيوانات.... الخصائص متاع النوعية الكلبة متاع الفرنسيس هذية هي التالية: أنو كلامهم مأسس على عقلية "نحنا" (الفرانسيس) و "هوما" (في المجهول علي التوانسة) في المطلق و طبعا "نحنا" منظمين و خدامة و ذكيين و "هوما" يكركرو و يغشو و بهايم... موضو التكركير هو أكثر حاجة تتكرر.. لكن ما يراو حتى تناقض كي هوما نفسهم يقولو إلي في فرنسا فمة نظام 35 ساعة عمل أسبوعيا في حين في تونس إستغلال أزرق يخدمو في خدامتهم (على لسانهم) 48 ساعة و حتى أكثر... الطرد زادة كي رمشة العين و يتباهاو بيه... ما فمة حتى اعتراف بالحقوق النقابية... في حين في فرنسا الخدامة يسكرولك معمل على كشة.... فمة وحدة من الحيوانات هذومة قالت على الخدامة "طيعيين" يعني تعمل بيهم إلي تحب "مش كيف فرنسا".... و حدة أخرى قعدت مستائة كيفاش ما يخليوهاش تعمل فيهم إلي يحبو... الحوار و الكلام يتعبهم مع التوانسة... فمة واحد قال "يتعب" كي يحكي "معاهم".... طبعا ما فمة حتى إحترام للمعتقدات الدينية و الثقافية المحلية (واحد منهم يخرنن الوقت الكل على الآذان... و مرة قال إلي يشتهى يبول وقتلي يجي وقت الآذان)... يشتهاو يقتلونا ساعات... فمة وحدة قالت أنها ساعات تحتاج سلاح بش "نقتلهم"....
فرنسيس كيفما هكة هوما وجه فرنسا في تونس... الكلهم منسجمين.... تشوفهم في الشارع تقول شوف أك التربية... و هوما من داخل يتمناو يحطونا الكل في حديقة حيوانات و إلا في محتشد متاع عبيد....
ما فمة حتى شك إلا في كل بلاد فمة حيوانات في شكل بشر... ما فمة حتى شك زادة إلي البعض ينجم يقول إلي نتحملو مسؤولية في أنو الفرنسيس يتعاملو معانا كحيوانات.. يعني بمعنى أنا نخليوهم يتعاملو معانا هكاكة.... لكن في جميع الأحوال ما فمة حتى شك إلي الفرنسيس هذومة نفسهم حيوانات....
مبعد يقولو شوف كيفاش الشعوب هذية معقدة من فترة الاستعمار و ما يحبوش ينساو و شدين صحيح في الأرشيف متاع الاستعمار و التخرنين في الماضي... لكن كي نشوف إمارك كيفما هكة نقول الأرشيف في الحالة هذية يولي مجرد إشارات على الحاضر في الماضي...
ملاحظة/تحيين
حبيت نزيد ملاحظة إلي بالنسبة لمصطلح "حيوانات" لهنا ما نقصدش المعني العربي الفصيح يعني إلي المقابل متاعو في الفرنسية
animaux
لأنو أنا شخصيا نحب الحيوانات و ما نراش علاش يكونو صفة سلبية في ذاتهم و أكثر من هكاكة نظلمهم كي نقارنهم بالنوعية إلي حكيت عليها... لكن المقصود هو "الحيوان" بالمعنى الدارج في لغتنا و إلي يعني بالعربية الفصيحة "الهمجي" و إلي فمة مصطلح آخر يقابلو في الدارجة متاعنا مأخوذ على الفرنساوية إلي هي كلمة "سوفاج" و إلي المقابل الفرنساوي متاعها
sauvage
و الطريف أنو فمة شكون من "الحيوانات" إلي في الشريط هذاية من اعتبر الخدامة متاعو بشكل عام "سوفاج"... و أنا يظهرلي "السوفاج" هو إلي يعامل الناس بطريقة "السوفاج"... هذية قاعدة عامة تنطبق على "السوفاجات" منذ إنبلاج التاريخ
كتبها:
Tarek طارق...
على الساعة:
13:10
| عدد التعاليق: 24 |
|
الاشتراك في:
تعليقات الرسالة (Atom)
Contrairement à toi, la plupart des français que j'ai connu, et que je connais, sont très humbles, très aimables, et très sympa.
Il faut dire qu'il y a une différence notable entre français, et parisien ;)
إي طبعا النوعية هذية قوية في باريس و بقيةالفرنسيس نفسهم متقلقين من التعالي متاع جماعة باريس... لكن فمة الهم هذاية في بقية فرنسا... واحد من الناس أكثر زوز عنصريين فرنسيس عرفتهم شخصيا ماهمش من باريس... واحد من مرسيليا و لا خر من الـ
massive central
Je partage Tarek ta colère contre ces arrogants français surtout lorsqu'on voit leur opportunisme en fuyant le cadre juridique français qui protège les ouvriers et enb profite de la vunérabilité de notre situation économique pour s'enrichir. Mais cette variété de français est la même que celle qu'on a pour tous les capitalistes qui investissent dans des domaines tels que le textile Ce qui m'a chagriné le plus dans ce documentaire c'est le satatut trés fragile de nos ouvriers. Sinon pour le reste rien ne m'a surpris
des Tunisiens de notre chaire et notre sang ont déjà répèter leur gène de l'appel à la prièrre de l'aube. Les qualificatifs utilisaient par ces capitalistes français pour désigner nos ouvriers montrent la bassesse de leur esprit et leur appartenance à la mentalité "racaille" de leur président. En revanche, mon expérience personnelle à Paris m'a permis cotoyer à l'université et au travail des Français d'un humanisme universel des Français qui savent ne pas faire d'amalgames et se comportent naturellement loin de tous soubassements colonialistes. Je partage d'ailleurs l'avis de Houssein il y a une différence palpable entre les Parisens et les autres Français c'est aussi la différence entre tous les habitants des capitales et de la périphériques dans les pays centralisés. Je n'oublirai jamais l'épaulement académique et humain de mon directeur de recherche. Pour l'anecdote en janvier dernier j'ai pris le train le 19 pour aller voir un spectacle de Marcel Khalife à Nancy, malgré qu'il était en période post-opératoire trés délicate mon directeur de recherche s'est déplacé à la gare ferrovière pour me rencontrer et m'inviter à manger dans resto servant de la viande hallal.
le problémé à mon avis n'est pas dans le fait que c'est des Français! c'est ce systéme mondiale à deux poids deux mesure, cette mondialisation qui raffle tout sur son passage.
ce même schéma on le voix avec des tunisien qui exploitent des marocains( commme gardiens, ouvriers..) pour un salaire de misére. Eloum ala notre gouvernement elli be3 lebled ouela3bed. je connais pleins de filles obligés à supporter cela au quotidiens pour vivre.
Il y à un proverbe qui dis à peu prés" Ki ettih el Bagra yokthrou Skakenha"
!
و الله عندك الحق في اللي قلتو الكل يا خويا...
النظرة الإستعمارية هذي مازالت متواصلة إلى يومنا هذا، و الإستغلال موجود... و كيف ما يقولوا: أسأل مجرب و ما تسألش طبيب.
النظرة متاعهم للعرب (مش عموما، لكن الدول اللي كانت تحت الإستعمار متاعهم بوجه خاص) غربة ياسر، تحس فيها برشا تناقض، لا نودك و لا نصبر عليك... من جهة إحتقار و عبارات و أوصاف نائبة و منم جهة وقت الجو و الكورة، نولّيو وخيّان و فرنسيس و ولاد بلاد... حاصيلو الكلها مصالح، و صحه عليهم كيف عطاتهم الدنيا (و الوقت) و بره
وليد كفما قلت أنا ما نعممش على الفرنسيس الأوصاف هذية و فعلا هناك فرنسيس إنسانيين.. هذا أمر بديهي...
ترانزيت وورلد... فعلا فمة نقطة مشتركة كونية هي الإستغلال... و هي ممارسة ماعندهاش جنسية أو قومية.... لكن فوق الاستغلال الاقتصادي (إلي ينجمو يمارسوه توتوانسة على توانسة مثلا) فمة طبقة أخرى متاع إستغلال "قومي" أو عنصري (و هو الاستغلال المضاعف إلي يمارسوه فرنسيس كيف إلي حكيت عليهم)... هذاية للأسف ينطبق على جزء كبير من علاقتنا كتوانسة بالفرنسيس سواء في الماضي و إلا الحاضر... هذاكة علاش فمة خصوصية للطريقة إلي نخزرو بيها كمغاربيين للفرنسيس
البرباش... مثال الكورة فعلا مثير للإنتباه... توة سمعت إلي الفريق الوطني متاعهم كثرو فيه اللاعبين المغاربيين مقارنة بالجيل متاع زيدان...
sam7ouni ama fi beli il 7ayanet il koll francis ...
أنا زادة قلبي معبي عليهم و التكرار زايد...الروابط الزوز مايخدموش يا طارق في تونس...بدّل الرابط الأول بهذا
http://preprod.dailymotion.com/video/xpozw_striptease-maryflo-4_events
Un article paru en 1998 dans l'Humanité parle de Alain Le Bruhec qui n'est autre que le responsable de cette usine.
الدمٌار هو أنو برامج من التلفزة الفرنسية هي الي توعي النٌاس (فرنسيس أو توانسة) حول المظالم الي تصير في تونس مثلا !!
وينهم الصحاففين متاعنا ؟؟
Il est clair que les "patrons" montrés dans cette vidéo sont un échantillon de ce qu'il y a de pire comme Français.
Mais de la à dire que la plupart des Français sont comme ça, permets moi d'être en désaccord avec toi, cette foi, Tarek :-).
Je vis à Paris depuis 6 ans et je serais menteur si je dirais que j'ai été victime de quelque acte de racisme que ce soit.
Avec les Français, si tu est rigoureux, si tu fais tes devoirs et tu te bats farouchement pour obtenir tes droits, si tu définis tes principes et tu les respectes, tout le monde te respecte.
D'ailleurs, concernant le patron (l'homme) qui critiqué et a insulté les magistrats et les syndicats Français, je pense qu'il est loin de revenir en France sans avoir d'ennui, car, légalement, on ne peut pas critiquer une décision de la justice.
Pour la forme de la video (j'ai regardé seulement la partie que tu as postée et je n'ai pas eu le temps de regarder les autres), il est clair que les réalisateurs de ce documentaire ont demandé à ces patrons de se comporter et de discuter comme s'il n'y avait pas de caméra qui les enregistre et comme si la discussion était informelle. A mon avis, c'est une très mauvaise idée: si j'étais patron, je pourrais confier à un ami qu'il me manque une arme à feu pour tirer sur tous les ouvriers et, bien entendu, ce sera voulu (par moi) et compris (par mon ami) comme une blague (de très mauvais goût, je peux l'accorder), mais dire cela devant une caméra pour une émission qui passe dans une chaîne nationale, sort la phrase de son cadre de discussion informelle et devient très dangereux. Il en va de même concernant Al-A4en, on a tout-à-fait le droit de penser que ça nous dérange, on a tout-à-fait le droit de le CONFIER à des amis, mais le diffuser dans une émission fait passer ce sentiment personnel tout-à-fait légitime vers de la pure propagande anti-Islam.
Amicalement,
vidéo accablante et je trouve l arrongocance francaise inéxplicable, l'esprit colonial est toujours présent dans la tête des francais parisien ou de provinciaux
vraiment nul ces têtes de.... , il faut leur rappeller que l esclavagisme et l'ére colonial sont terminés
سليم كيفما قلت بالرغم إلي قلبي معبي لكن مانراش داعي للتعميم
شكرا ويروولف على الروابط... هاني زدت الرابط متاع الفيديو
أنيس ملاحظة في بلاصتها... هذاية موضوع من المفروض نهتمو بيه... النوعية هذية يلزم تتفضح... الشريط هذاية موجود في الانترنت و تعدى على تلفزة عمومية فرنسية... و غريبة إلي حد ما اتخذ ضدهم أي إجراءات قانونية
بشير... يلزم لهنا نعاود نقول إلي نقصد هوما أغلبية و أقلية في التجربة الشخصية متاعي... و هذا إلي عاودت أكدت عليه في التعليقات..ز لأنو طبعا مش ممكن أنو الواحد يعمل تقييم إحصائي على أساس إنطباع شخصي... و في جميع الأحوال حتى كي ركزت على المجموعة متاع العنصريين هذومة حرصت في العنوان ("فرنسيس حيوانات") أني ما نحطش "ألف و لام" التعريف بالتحديد بش ما نعممش.. لكن فمة ملاحظة أخرى: فمة بعض الفرنسيس إلي يتعاملو معاك "بندية" و "يقبلوك" فقط وقتلي تتصرف كفرنساوي... و هذية مشكلة معروفة و جزء من العداء الفرنسي حتى على مستوى أكاديمي للمفهوم الأنقلوسكسوني متاع "تعدد الثقافات"... بالنسبة لظهور الملاحظات هذية في التلفزة و إلا بشكل شخصي يقعدو في رايي في جميع الأحوال يأديو نفس التعبير... و طبعا كيفما قلت إنت عندهم طابع أخطر كي يكونو في تلفزة عمومية... لكن ما تراش في أنهم يقولوه في تلفزة عمومية معروفة (فرنسا 3)دليل على أنهم يخزرونو كحيوانات: يعني من المفروض أنهم يعرفو إلي فمة توانسة بش يشوفو الشريط... إلا أنو من الواضح أنو ما يهمهمش... قمة الغرور و الاستعلاء
هيبنوتيك دكتور: صحيح المخيال الاستعماري مازال حاضر نعتقد على الأقل في عقليات الكثيرين (بش ما نقولش الأكثرية)... و هذاية سبب رئيسي في عدم القدرة على تقديم إعتذار رسمي و على الرغبة في تبييض وجه الاستعمار في البرامج الدراسية الفرنسية
J’étais ingénieur stagiaire dans une entreprise tunisienne il y a quelques années.
J’étais stupéfait de voir la manière avec laquelle se comportait le « cadre » (mon encadreur!) avec les membres de son équipe (de simples employés).
Le véritable problème, à mon avis, est d’ordre culturel.
Pour subvenir aux besoins de leurs familles, certains travailleurs, pauvres en général, subissent harcèlement, irrespect, manque d'attention et de considération. Comme ils ne veulent pas mettre en péril leurs sources de revenu - « il khobza s3iba », n'est ce pas ? - alors ils se taisent.
Les travailleurs doivent être conscients qu’ils ont des droits.
Les syndicats ont rôle central à jouer.
Je suis en desaccord avec le titre de cet article car il generalise, et il n'y a pas pire que de generaliser. En effet Tarek a reagi exactement comme le beauf raciste francais qui apres avoir regarde un reportage sur TF1 sur les maghrabins, avait decide que tous les arabes etaient feneants, sales, bruiants, voleurs, menteurs etc ...
En traitant les francais d'animaux tu te met au meme niveau que cette minorite de Franchoillards que tu denonce dans ton article, tu ne vaut pas mieux qu'eux .. car si eux pensent a tort que le tunisien est feneant, toi tu pense a tort que le Francais se croit supperieur au Tunisen.
Vraiment tres decu de lire ca.
ألترنوت: ما نعرفش شنية معرفتك بالعربية و استعمالاتها.. و ما نعرفش هل قريت تعليقاتي الفوق و إلا لا... لكن خليني نفسرلك قاعدة لغوية بسيطة و لكن هامة: جملة "فرنسيس حيوانات" هي جملة تنطبق من الناحية التركيبية على طرف محدود و مخصوص.. يعني في الحالة هذية الناس إلي ظهرو في الشريط... بعكس مثلا جملة "الفرنسيس الحيوانات" إلي فيها استعمال حاجة نسميوها في العربية "ألف و لام التعريف"... و "ألف لام التعريف" هي إلي تأدي معنى التعميم...
En passant, il y a eu une grande discussion sur le même reportage il y a un an ,sur le blog de Tarek Chiniti
J'en avais aussi parlé sur mon blog
شكرا حسين... صارة الشريط عندو سوابق... على كل النقاش ديما باهي
سلام،
شكرا على الفيديو الهامّ يا طارق. شخصيا تجاربي مع الفرنسيين متنوّعة، فهنا مثلا من خلال تجربتي القصيرة بمونريال تعرّفت على النوعين. اذ أدرس مع فرنسيّيْن رائعيْن وانسانيين فيما أعمل مع فرنسي منافق وعنصري...
لا أظنّ أنّه يمكن ان نصف شعبا أو أمّة ما بوصف معيّن سواء كان منقبا أو عيبا، لكن كلامك صحيح فيما يخصّ بعض الفرنسيين الذين مازالوا ينظرون الينا كشعوب مُستَعمَرة، عرقها وثرواتها مستباحة من أجل راحتهم وثرائهم الفاحش...
كما أذكر مقالا كتبته بجريدة "الموقف" عن مراكز المهاتفة في تونس، أوردت فيه شهادة لشخص أعرفه يعمل هناك، ذكر فيها انّ عرفه الفرنسي قال له بالحرف الواحد ردا على وصفه لظروف بالعمل بالإستغلال: " لا ليس استغلال، هذا استعمار جديد"...
أهلا غسان... ماقريتوش مقال مراكز المهاتفة... أما نسمع في برشة كلام عليهم..ز يعني كلام سلبي...
إرسال تعليق