ما نعرفش علاش قمت اليوم نحب نتفرج في مقابلات المنتخب البرازيلي (السيليشاو) متاع كأس العالم في اسبانيا 1982... أحسن فريق في تاريخ كرة القدم، في رأيي المتواضع... وقتها أول مرة نعمل علاقة جديدة مع الكورة... فاتت الكورة بيدها.. حسيت أنو الفريق هذا جا بش يعمل حاجة جديدة... عندها علاقة بالابداع و الفن... وقتها عمري 8 سنين... نتذكر مليح كيفاش كنت نتفاعل مع المقابلات متاع البرازيل... كايني أول مرة نتفرج في الكورة... و مازلت حتى لتوة ما شفتش حاجة بالمستوى هذاكة... لاعبين كيف فلكاو و إيدير و زيكو و سقراطس و جونيور... ناس تشطح فوق الملعب... شنوة انسجام و نجاعة و ذكا.... في المقابلة ضد الاتحاد السوفياتي خاصة بونتو إيدير عيني دمعت... بكل بساطة: حسيتهم مسو حاجة أخرى ما عمري ما ريت حاجة هكاكة.. الثقة في النفس و السهل الممتنع.... طبعا في المقابلة المنحوسة ضد إيطاليا (ربما أحسن مقابلة تلعبت في التاريخ) وقتها كملت المقابلة و أنا ننحب و ما نحشمش بش نقولها...
كانت صدمة بالنسبة لي أني نكتشف أن مش بالضرورة أحسن و أزين حاجة هي الحاجة إلي تربح... درس ما يخصش الكورة فقط بل يخص برشة حاجات أخرى نمرو بيها في حياتنا
على كل أهية بعض اللقطات إلي لقيتهم من مقابلات البرازيل في الكأس هذيكة
كتبها:
Tarek طارق...
على الساعة:
13:30
| عدد التعاليق: 1 |
|
الاشتراك في:
تعليقات الرسالة (Atom)
fabuleuse équipe du brésil de la coupe du monde 82. j'avais 10 ans et je garde un souvenir intact du plaisir que j'avais à voir jouer des magiciens, des extra-terrestres du ballon rond. c'était le rêve !. le match contre l'italie était une terrible déception pour moi ! comme si on avait brisé mon rêve. mais comme tu dis l'équipe qui joue le mieux ne gagne pas toujours. anyway, ça me fait plaisir de te faire un cadeau pour revoir cette équipe magique, tous les matchs du brésil sur un seul DVD. il suffira de m'envoyer un mail pour arranger ça.
إرسال تعليق