هنا... دعم أشياء من هذا النوع يساهم بشكل كبير في محاصرة آلة صناعة جرائم الحرب إلي صايرة من عام 48... هناك دور كبير للهيئات الحقوقية العربية إلي يلزم تلعبو بش ما يقتصرش كان على الهيئات الأممية أو الصليب الأحمر كيفما في الحالة هذية... نتساءل على الدور العملي إلي تنجم تساهم بيه من تونس منظمات كيف "الهيئة الوطنية للمحامين" و "جمعية المحامين الشبان" و "الرابطة التونسية للدفاع عن حقوق الانسان" (او ما تبقى منها) و الاتحاد العام التونسي للشغل.. إلخ في الملاحقة القانونية من خلال علاقاتهم العربية و الدولية... مرة أخرى يظهرلي من الضروري إنشاء لجنة عربية مختصة في الموضوع هذا دون غيرو... تكون عندها تفرعات دولية واسعة.. بالمناسبة فمة مجموعة تونسية في فايسبوك تعملت في الموضوع هذا

من بين أول التدوينات إلي كتبتهم في المدونة هذية كانت تعليق على العلاقة بين البلوغوسفير وقتها و واقع التوانسة و إلي أشرت فيها إلى أني نعتبر فمة هوة بين البلوغوسفير التونسي و واقع التوانسة و هي عموما ملاحظات عاودت التعرض ليها منذ أشهر قليلة (هنا)... فمة تعليق لقيتو مؤخرا عاود طرح علية المسألة هذية (هنا)... البلوغسوفير التونسي تغير نسبيا على الوضع إلي كان عليه وقتلي بديت التدوين في المدونة هذية يعني ماي 2007.. ولى مهتم أكثر (نسبيا) بالشأن العام... لكن مازال فمة نوع من الاغتراب نحسو كيف ندخل للبلوغسوفير التونسي... فمة تضخم لرؤى و مواقف ما تعكسش حجمها في الواقع التونسي لا الواقع السياسي و لا الواقع الفكري و الثقافي... ردة الفعل على الوضع في غزة عمقت عندي الانطباع هذا... مثلا معروف توة أنو فمة مثلا مسيرات و مظاهرات في مختلف الجهات التونسية احتجاجا على جرائم الحرب الاسرائيلية القايمة على قدم و ساق... طبعا الاعلام البودورو يتجاهل نقل الأحداث هذية لكن فمة وسائل اتصال و إعلام تنقل الاحداث هذية (مواقع انترنت مختلفة تنقل يوميا بيانات تسجل سلسلة الأحداث إلي جرات في مختلف الجهات).. برغم هذاكة البلوغسوفير التونسي ماعكسش الواقع هذا... مثلا فمة الكثير من المعاهد عملو مسيرات... في المقابل ما فماش تلامذة في البلوغسوفير تحدثو على المسيرات هذية... مثال آخر: البارح شفت بعض الدعوات في البلوغسوفير لجمع أدوية في مدرسة في الضاحية الشمالية... لكن جاب ربي فقط اليوم فاق بعض المدونين (مثلا هنا) إلي الاتحاد العام التونسي للشغل عندو مدة يجمع في الأدوية و ينسق مع هيئات دولية لإرسال سفينة مساعدات... كيفما صار في أحداث سابقة (الحوض المنجمي) مازال فمة هوة زمنية و هوة اهتمام بين الاحداث و البلوغوسفير التونسي... نقول هذا مرة اخرى بالرغم طبعا إلي فمة اهتمام متزايد بالشأن العام...

لكن يظهرلي فمة علاقة بين الاغتراب عن الشأن العام و الاغتراب عن الواقع التونسي في الرؤية و حتى اللغة... و هنا تحديدا فمة سوء فهم... إلي موجود مش تجديد و مش بعد على السائد... فمة بعض المغالطة هنا... لأنو "التجديد" ما يكونش باجترار مواقف قديمة كانت موجودة في بعض الأوساط التونسية على رغم محدوديتها... و البعد على السائد ما يكونش باستيراد سائد آخر ما يقلش اقصائية على السائد الراهن... البلوغسوفير التونسي بالعكس مازال فيه بعض السائد... فمة مثلا خطوط حمرا فيها دافع الخوف و فيها دافع الاقصاء فرضها الوضع السائد ضد أطراف سياسية و فكرية محددة... فمة وهم بأنو البلوغسوفير يلزمو بالضرورة يمثل "حقيقة تونس" إلي يعني حسب الرؤية هذية وهم آخر حول تونس يعني أنها "تونس الحداثة و التنوير و التقدمية".... هذا توجه يكرس الفكر ذو البعد الواحد و يكفر فعليا تحت مسميات حداثية وجهة النظر المخالفة و يعرقل اي حوار حقيقي و في النهاية يزيد يروج التفكير البوليسي... البلوغسفير مازال ما فيهش نقاش جدي و مشاركين فيه ناس تنجم تقوم حتى بنقاش جدي (يعني يتجاوز الشعاراتية المأدلجة) حول معضلات حقيقية في بلادنا... بما فيها مسائل كيفية الخروج من الانسداد السياسي الراهن... و وضعية الاسلاميين في تونس بداية من طرح أسئلة بسيطة كيف "من هم" إلى "هل تعتقد في حقهم في العمل السياسي"... مازال الجسم الأساسي متاعو خاضع للخطوط الحمر متاع السائد... البلوغسفر زادة مش مختلف عن ممارسات سائدة من نوع الضحالة الفكرية و الشعاراتية و التعميم و التكاتف على أساس التضامن القائم على الصداقة و الانتماء الايديولوجي كيف يصير في بعض الحالات كيف مسابقة البلوغسوفير أو بعض الصرعات (مش الصراعات) الفكرية... هذية في الحقيقة مش انتقادات موجهة للاتجاه العام متاع البلوغوسفير فقط بالضرورة لكن نقد زادة حتى للناس إلي موجودة و ممثلة في الواقع التونسي و ماهيش موجودة في البلوغسفير... و بالأحرى مازالت ما فهمتش أهمية وسائل اتصال كيف التدوين.. و هذا في الحقيقة و في حد ذاتو مجرد مثال على الوضع العام في تونس.. لكن بش نرجع لموضوع التدوينة نقول إلي البلوغسوفير التونسي مازال ما يمثلش تجربة إعلام بديلة على السائد (فمة تجارب يتيمة هنا و هنا لكن توقفت عمليا و ما كبرتش).. على كل في رأيي أنو السبيل الوحيد للبلوغسوفير التونسي بش ينمو و يكبر أنو ينقد نفسو... و ما يلتجئش للاطمئنان و الطمأنة الذاتية و اللغة الخشبية متاع أنو "نحنا أمل البلاد هذية"... لأنو هذيكة مؤشرات إنتهاؤو أو أنو غرق في إنتاج و إعادة انتاج الوهم... عموما يلزم نسجل اليوم أنو ثقتي في البلوقوسفير التونسي و برغم نضجو على كان عليه قبل ثقتي في أنو يتجاوز عبادتو لنفسو و غرورو بنفسو و خاصة نزع الوهم متاع أنو "شجاع" و أنو "تجاوز السائد" ثقتي هذية قاعدة تنقص بشكل كبير.. و بالمناسبة هذاكة من بين الأسباب إلي خلاتني نفقد الرغبة في التدوين عموما في الاشهر الاخيرة..

تحيين: أهية مثلا تدوينة تنشرت قبيلة شوية من المفروض تكون حاجة عادية مش استثناء

في نهاية الأمر تقديرات أحمد يوسف مستشار هنية كانت صحيحة...

أولا، القرار انتهى عمليا بالموافقة على مطالب حماس السابقة للعدوان (كيفما هو واضح في رواية كارتر هنا لطريقة إقامة التهدئة) و بالتحديد وقف متبادل لإطلاق النار و رفع الحصار.. و طبعا الانسحاب الاسرائيلي من غزة
ثانيا، وقع تأجيل القضايا الإجرائية و بالتحديد تراتيب رفع الحصار... و هذاية يعني أنه بالرغم من الدعوة لوقف "فوري" لإطلاق النار فإنه وقف إطلاق النار صعيب بش يكون فوري (بالمناسبة القرار كان بش يكون إلزامي بشكل مطلق بوصفو "بيان رئاسي" لكن وقع التراجع و جعلو إلزامي لكن بتأثير أقل هنا).. فمة مفاوضات ميدانية ستقوم بالترجمة الميدانية لتراتيب القرار.. و في المستوى هذا بش يصير الشي إلي رفضتو إسرائيل أي مشاركة حماس عمليا في صياغة وقف إطلاق النار
ثالثا، إسرائيل بدرجة أولى و الولايات المتحدة بدرجة ثانية و فرنسا بدرجة ثالثة حبو يأجلو إعلان القرار... ردود الفعل الإسرائيلية المبدئية إعلاميا على الأقل تدل على رفض إعلان القرار الآن (هنا).. لكن واضح أنو في نهاية الأمر الموقف الإسرائيلي بقي منفردا حتى الولايات المتحدة مالت لإعلان قرار فوري.. الواضح أنو فشل حملة العلاقات العامة الإسرائيلية (مزيد التفاصيل هنا) خاصة بعد المجازر ضد المدنيين في مواقع أممية أدى لتراجع الموقف الامريكي الرسمي على رفض القرار
رابعا، و الأهم في رأيي، رفض إسرائيل للقرار لا يعني ثقتها في أنها بش تحقق أهدافها لو تحصلت على مزيد من الوقت.. كيفما قلت قبل (هنا) أنو أهم مرحلة في العملية العدوانية هي "المرحلة الثالثة" أي اقتحام المناطق الحضرية كان جيش الاحتلال يتلكأ في تطبيقها... و هذا يعكس أنو في نهاية الأمر لم تكن هناك رغبة إسرائيلية جدية في تنفيذ عملية مواجهة عسكرية مع فصائل المقاومة الفلسطينية.. و بالتالي القرار في نهاية الأمر أنهى المأزق العسكري الاسرائيلي إلي بش يحاولو يوريو أنهم ضد القرار

أخيرا... العركات الجاية بش تكون حول: أولا، طريقة رفع الحصار... فمة عركة الآن حول رفع معبر رفح هل يكون بشكل فوري أم مبعد (هنا)... ثانيا، فمة مشكل وضعية السلطة الفلسطينية و تحديدا وضعية محمود عباس بالرغم إلي انتهى دستوريا وجودو كرئيس للسلطة و فمة تحاليل ترى إلي القرار الأممي و وقف إطلاق النار الوسيلة الوحيدة لمحاولة إنقاذ شرعية عباس (هنا)... ثالثا، معركة شرعية حماس ماشية بكل تأكيد لمصلحة تأكيد شرعيتها دوليا.. ليس فقط بالترتيبات الميدانية لتطبيق القرار لكن بالمؤشرات الأولية لرغبة الادارة الامريكية الجديدة بالحوار معاها حتى عبر قنوات سرية في البداية كيفما يأكد التقرير هذا في صحيفة الغارديان متاع نهار الجمعة 9 جانفي

التسعة بنود الواردة في القرار 1860

1. The Security Council stresses the urgency of and calls for an immediate, durable and fully respected ceasefire, leading to the full withdrawal of Israeli forces from Gaza.

2. The Security Council calls for the unimpeded provision and distribution throughout Gaza of humanitarian assistance, including of food, fuel and medical treatment.

3. The Security Council welcomes the initiatives aimed at creating and opening humanitarian corridors and other mechanisms for the sustained delivery of humanitarian aid.

4. The Security Council calls on member states to support international efforts to alleviate the humanitarian and economic situation in Gaza, including through urgently needed additional contributions to UNWRA and through the Ad Hoc Liaison Committee.

5. The Security Council condemns all violence and hostilities directed against civilians and all acts of terrorist.

6. The Security Council calls upon member states to intensify efforts to provide arrangements and guarantees in Gaza in order to sustain a durable ceasefire and calm, including to prevent illicit trafficking in arms and ammunition and to ensure the sustained reopening of crossing points on the basis of the 2005 Agreement on Movement and Access between the Palestinian Authority; and in this regard, welcomes the Egyptian initative, and other regional and international efforts that are underway.

7. The Security Council encourages tangible steps towards intra-Palestinian reconciliation including in support of mediation efforts of Egypt and the League of Arab States as expressed in the 26 November 2008 resolution, and consistent with Security Council Resolution 1850 (2008) and other relevant resolutions.

8. The Security Council calls for renewed and urgent efforts by the parties and the international community to achieve a comprehensive peace based on the vision of a region where two democratic states, Israel and Palestine, live side by side in peace with secure and recognized borders, as envisaged in Security Council Resolution 1850 (2008), and recalls also the important of the Arab Peace Initiative.

9. The Security Council welcomes the Quartet's consideration, in consultation with the parties, of an international meeting in Moscow in 2009

منع مراسلين دوليين من دخول غزة من قبل جيش الاحتلال ماكانش بش يتعدى بالساهل.. الفضيحة بش تكبر لأنو الضحية في الحالة هذية هو الإعلام نفسو... تقرير في جريدة هآآرتز تنشر قبيلة شوية (هنا) يعطي فكرة على الملف هذا إلي بش يتواصل في الايام القادمة...
مراسل معروف كيف سيمون ماكريقور وود متاع قناة أي بي سي الأمريكية قال إلي هذية ممارسات متاع دكتاتورية عسكرية..


شارل أندرلان متاع فرانس 2 قارن الوضعية بسراييفو وقتلي الجيش الروسي منع المراسلين من تغطية الاحداث

مؤشر آخر على الفشل السياسي للعملية بالرغم حملة العلاقات العامة إلي سبقتها.. طبعا فمة معلقين اسرائيليين اعترفو أنهم بصدد خسارة حرب العلاقات العامة هذية كيف هنا مثلا... لكن من أكثر الصور المعبرة على عدم التوازن في معركة العلاقات العامة هو وقتلي لاعب كيف المالي كانوتي المحترف بأشبيلية و المعروف بمواقفو المستقلة على فريقو يقرر بش يعلن موقفو بالشكل هذا..

الرئيس كارتر بوصفو أيضا مؤسس مركز كارتر للسلام كان شاهد و مراقب مقرب جدا لتطور الأحداث في غزة و خاصة كيفية حدوث التهدئة.. كتب مقال تنشر اليوم في الواشنطن بوست (هنا) ذكر فيه خاصة النقاط التالية

أولا، التهدئة إلي بدات في 19 جوان كانت بمبادرة من حماس إلي قبلت وقف الصواريخ من غزة مقابل رفع للحصار على غزة بالرغم من تمسكها في السابق بتهدئة تخص غزة و الضفة في نفس الوقت..
ثانيا، اسرائيل رفضت حتى الاقرار الرسمي بالاتفاق بسبب رفضها مبدأ التفاوض مع حماس و ما قبلت كان دخول 20 في الميا من حاجيات سكان قطاع غزة
ثالثا، إسرائيل خرقت التهدئة يوم 4 نوفمبر من خلال قصف ما ادعات أنو نفق
رابعا، وقت التفاوض حول تجديد التهدئة إلي كان الوسيط فيها مركز كارتر سرائيل رفضت مرة أخرى رفع الحصار و ما قبلت المرة هذية كان بدخول 15 في الميا من حاجيات القطاع يعني أقل حتى ملي كان يدخل...

و هنا فقط حماس و بقية الفصائل قررو استئناف اطلاق الصواريخ... يعني بعد خرق الهدنة من خلال رفض دخول 80 في الميا من الحاجيات الانسانية للقطاع لمدة ستة شهور... و بعد خرق التهدئة يوم 4 نوفمبر.. و بعد قرار اسرائيلي بتشديد الحصار من خلال رفض 85 في الميا من حاجيات القطاع

رئيس الأركان الاسرائيلي صرح اليوم، أخيرا، عن الأهداف الرسمية التي تم وضعها منذ التحضير لعميلة "الرصاص المسكوب" منذ شهر مارس 2007... يقول أشكينازي نقلا عن جريدة هآآرتز اليوم هنا

the optimal situation would include several elements: steep reduction in rocket fire; neutralization of terror infrastructure; weakening of Hamas' position and organization, as well as its removal from power; creation of a "deterrent balance"; and reducing public support for the militant movement. In addition, Israel should not be viewed as being responsible for the Palestinian population, but the role should go to a central Palestinian establishment created in Gaza, led by moderate, pragmatic officials.

تأتي تصريحات أشكينازي للتأكيد على عدم قدرة جيش الاحتلال تحقيق أهدافه من العملية حتى هذه اللحظة وبالتالي عدم توفر استراتيجية خروج حتى هذه اللحظة... أعتقد في النهاية أن الخروج سيحدث لأنه غير ممكن سياسيا تواصل العملية في سياق الفشل الراهن... في الواقع عكس هذه الأهداف بصدد التحقق... ملاحظة أخرى: تهيئة قيادة فلسطينية "معتدلة" تأتي على ظهر الدبابات محور رئيسي من العملية... من جهة أخرى رؤية الفشل المتوقع للعملية خاصة في "مرحلتها الثالثة" (أي القيام بهجوم بري حقيقي داخل الأماكن الحضرية بما أن ذلك لم يحدث حتى هذه اللحظة) بدأت التسرب للمعلقين الاسرائيليين اليوم هنا و هنا

و في هذا السياق يأتي رفض حماس و بقية الفصائل الفلسطينية المبادرة المصرية الغامضة أصلا لأنها تعلم ميدانيا عجز تحقق الاهداف الاسرائيلية.. و بالتالي الحاجة إلى مبادرة أخرى (يبدو أنها جاهزة أصلا و هي على الأرجح تركية ربما يقع إعلانها في إطار إعادة صياغة المبادرة المصرية لأن مصر يجب أن تكون مشاركة في أي ترتيبات قادمة) تعكس موازين القوى الحقيقية في الميدان و من ثمة يكون على رأسها مطلبي وقف إطلاق النار (حقيقي و ليس من جانب واحد) مقابل رفع الحصار و الاتفاق تباعا على ترتيبات فتح المعابر بمشاركة جميع الأطراف.. و هما المطلبين الذين قدمتهما حماس قبل العدوان الحالي... إضافة إلى ذلك تبقى نقطة واحدة: كيفية إخراج وجود "مراقبين دوليين" عوض "قوات دولية" على الحدود الفلسطينية.... موقف أحمد يوسف البارحة (هدنة في غضون 48 ساعة) يبدو أنه نتاج لقراءة التطورات المحتملة للوضعية الميدانية خاصة محدودية حدوث "المرحلة الثالثة" من عملية "الرصاص المسكوب"

فمة الكثير من الوسائل للاحتجاج عما يقع في غزة... طبعا كل مظاهر التعبير بما فيها المسيرات هي مش فقط حقوق أساسية بل أيضا عندها تأثير فعلي في الضغط و غالط إلي يعتقد هي مجرد صياح و عياط (تل أبيب تعرف أنو من العوامل إلي بش توقف الحرب تصاعد كبير في المجازر و الضغط الشعبي على حكومات كيف مصر و الاردن.. هنا).. لكن إلى جانب هذا و غيرو (تبرعات بالدم و الادوية و المال...) فإنو فمة مداخل و وسائل أخرى قانونية ممكنة بالرغم إلي تحب وقت و أهمها الملاحقة القانونية لملفات المجازر المرتكبة في غزة على أساس أنها جرائم حرب... مثلا توة فمة عناصر كافية للتعامل مع مجزرة مدرسة الفاخورا البارح على أنها جريمة موصوفة.. اليوم كيف نشرت نيويورك تايمز فإن الادعاءات الاسرائيلية إلي تقول أنو وقع ضربها لأنو وقع اطلاق النار منها ادعاءات وقع تكذيبها بشكل رسمي من قبل الامم المتحدة (هنا)... طبعا العمل الحقوقي هذا موجود فعلا و سبق أنو وقع اتهام شارون رسميا في بلجيكيا على خلفية مجازر صبرا و شاتيلا و هذا ما أدى لوقف زيارة كان بش يعملها... نفس الشي وقع من مدة بالنسبة لجنرال اسرائيلي كان مسافر الى لندن... لكن العمل هذا مش قاعد يقع بشكل جدي يوازي الأهمية متاع الحدث... توة مطروح على منظمات كيف "المنظمة العربية لحقوق الانسان" و "اتحاد المحامين العرب" و مختلف الهيئات الحقوقية العربية و على رأسها المنظمات الفلسطينية (إلي موجودة على الأرض و تقدر تجميع المعلومات الميدانية و تمثيل عائلات الضحايا) الاجتماع و إنشاء لجنة مختصة مهمتها الوحيدة و الأساسية تنسيق الجهود الخاصة بالملف هذاية... هذية طريقة من الطرق الناجعة للاحتجاج.. و تكون في ذاتها مساهمة في انضاج قوى المجتمع المدني العربية و صقل نفوذها دوليا

في تصريحات ليديعوت أحرنوت هنا... من جهة أخرى المبادرة المصرية مازالت مش طايبة... حتى طرف ما أعلن موافقتو الكاملة و النهائية عليها (يبدو فمة بعض الغموض حول ملابسات رفع الحصار)... أما ميدانيا واضح من التصريحات الدعائية متاع الضابط الاسرائيلي هذاية إلي ما يحبوش يدخلو للمناطق الحضرية و مازالو يخدمو على الأطراف (خاصة على معبر رفح اليوم) و يحبو عناصر المقاومة الفلسطينية يجيوهم... في الواقع هذية حرب عصابات و الضابط هذا في بالو بش يجيويه "أولية" و "بلاتونز" مكشوفين في حين هو "يقاتل في أشباح"... نحب نفهم كيف الاسرائيليين يقولو تعلمنا من "حرب تموز 2006" شنوة تعلمو بالضبط؟... على كل حال عمليا "توسعة العمليات" إلي أعلنو عليها البارح ماعندهاش أثر جدي ميدانيا.. مؤشر إضافي على فشل "الهجوم" البري.. إلا إذا كان "الهجوم" البري يعني مهاجمة سيارات الاسعاف (هنا).. إضافة طبعا لاستمرار منع الإعلاميين الدوليين من دخول غزة من قبل "الديمقراطية الوحيدة" في المنطقة... و حتى مسؤول في الفاتيكان (هنا) شبه اليوم الوضع في غزة بمعسكرات الاعتقال النازية... مع المجازر المسترسلة واضح أنو كل ما يزيد نهار فإنو سياسيا اطراف المقاومة الفلسطينية هي إلي تحقق في تقدم.. هذا هو معنى كلمة غباء عقلية القهر العسكري

الهجوم البري الاسرائيلي كيفما تقول المواقع الاسرائيلية ذاتها ما حقق شي من أهدافو (هنا مثلا): فشل في منع إطلاق الصواريخ إلي تواصلت إلى نقاط أبعد و فشل في اختراق دفاعات فصائل المقاومة الفلسطينية داخل المناطق الحضرية... في المقابل قصف أهداف مدنية واضحة العيان و وقع الاتفاق حولها مع الامم المتحدة بما فيها مدرسة الانروا... مجزرة حتى حد بما فيها وسائل إعلام أمريكية منحازة إسرائيليا عادة مانجمتش تتجنب التصاور متاعها... و الأصوات اليوم بشكل عام هنا تحديدا في وسائل الاعلام السائدة ماشية أكثر نحو ضرورة وقف اطلاق النار بشكل فوري

الاتفاق حول هدنة أو وقف لاطلاق النار بصدد التشكل (هنا)... آخر الأخبار تكشف أنو النقطة الرئيسية إلي أصبحت تلخص المطالب الاسرائيلية ماعادش "وقف إطلاق الصواريخ" أو "إسقاط حماس" أو ... كل المطالب الاسرايلية تقهقرت الى مطلب "منع التهريب" على الحدود المصرية و هذا سبب الزيارة السريعة متاع ساركوزي لمصر و زيارة أردوغان لدمشق أي الاتفاق على الارجح على وجود تركي من جهة غزة لمراقبة الوضع على الحدود... في المقابل مطالب حماس الأساسية (الموجود قبل الوضعية الراهنة) يعني وقف اطلاق النار و الانسحاب و خاصة رفع الحصار بدات تلقى في مكان في الصيغة إلي يقع التحضير ليها... هذا يعني فشل ذريع سياسيا للضربة العسكرية الاسرائيلية خاصة أنو البارح بركة يقع الحديث على "توسيع الهجوم" (هنا)... و بالاضافة الى هذاكة كسب حماس نقاط على مستوى الشرعية السياسية بالرغم الوضع الفوضوي في غزة في علاقة بالسلطة الفلسطينية بوصفها الاعتراف الدولي بكونها الطرف إلي يقع التفاوض معاه في خصوص ترتيب الاوضاع في غزة.. و هذاية بعكس الرغبة الاسرائيلية إلي ترفض السماح بأي وضعية سياسية شرعية لحماس (هنا)...

الاوضاع بشكل عام ماشية حسب رايي كيفما قلت في مقال توة جمعتين لتالي "الهدنة بديلا عن اتفاق السلام"... يبقى كيفية حل قضية المعابر... مازال مش واضح كيفاش و بأي صيغة بش تتم (خاصة على مستوى الاشراف على الجانب الفلسطيني من معبر رفح) خاصة أنو الطرف المصري بش يعتبر نتيجة المواجهات الحالية خسارة لاختياراتو